Eavttuhus muitubázzái bággueáváhkku ja boaldima birra Gáivuonas

Gáivuona suohkan bovde joavkkuid, dáidariid, arkiteavttait, duojáriid ja studeantaid eavttuhit bistevaš muitumearkka mas lea namma olbmuin geat gille nuppi máilmi soađi bággoeváhku ja boaldima geažil Gáivuonas.

Duogáš

Čakčat jagi 1944 bággejuvvojedje Gáivuona ássit guođđit iežaet ruovttuid go duiskka soalddáhat billistedje ja bolde gili. Olmmáivággi lei lullimus gilli Davvi Romssas ja Finnmárkkus mii boldojuvvui dán akšuvnnas. Maŋŋel soađi bohte olbmot ruovttoluotta ja huksejedje iežaset ruovttuid fas.

Dáhpahusat čuhce garrasit olbmuide geain lei nanu sámi ja kvena gullevašvuohta. Muittumearkkain háliidit gudnejahttit sin geat fertejedje vásihit dáid ja sihkkarastit ahte historjá ii vájalduvvo.

Plána lea ahte muitumearka galgá leat rátnogávppi bálddas Lávkgiettis Olmmáivákkis.

Maid mii ohcat

Mii ohcat eavttuhusaid fysalaš muitumerkii, ovdamearkka skulptuvrra, installašuvnna, dahje eanadatdáidaga. Ovdal lea eavttuhuvvon muitumearka čáhppes ruovddis huksejuvvon mii galgá sulástahttit buolli viesu mas olbmot báhtarit. Čuovggat ja diehtotávval dan bálddas lea plánejuvvon oassin muitumearkkas.

Eavttuhusat fertejit vuhtiiváldit:

Historjjá boaldima ja bággoeváhkku birra jagi 1944–1945
Báikki luonddu ja kulturhistorjjá
Sámi ja kvena perspektivvaid
Bistevaš ja ceavzilis ávdnasiid geavaheami
Čuovgga geavaheami sevdnjesáiggis

Geat besset searvat?

Gilvu lea rabas gaitdivnnaide ja mii bivdit báikkalš olbmuid ovttasbargat fágaidgaskasaččat.

Sádde sisa

Illustrašuvnnaid, sárggastusaid dahje modeallagovaid (su. 2-10 fiilla)
Oanehis čilgehusa materiálageavahemis ja čađahanvejolašvuođain.
Oanehis resentašuvnna sin geat bukte ovdan eavttuhusa

Eavttuhus sáddejuvvo e-poastta bakte čujuhussii: post@kafjord.kommune.no ovdal 15.8.26

Fáddá: “Muitumearka Olmmáivákkis”

Bálkkašumit

Vuitit ožžot 5000 ruvdnosaš honorára mii geavahuvvo vuođđun muitumearkka huksemii. Eará eavttuhusat maiddai soitet oažžut honorára. Eavttuhusat soitet maiddai čájehuvvot almmolaččat.

Lávdegoddi

Válljejuvvon báikkalaš olbmot, historjásearvvis, suohkanis ja olbmut dáidaga ja arkitektuvrra fágabirrasis bohtet árvvoštallat eavttuhusaid mas váldet vuolggasaji dáiddalaš kvalitehtas, historjjálaš sájaiduhttimis ja čađahanvejolašvuođass.