Goržži mánáidgárdi
Goržži mánáidgárdi lea suohkanlaš sámi mánáidgárdi mas leat guokte ossodaga, RIEBANGÁRDI ja MIESSI. Mánáidgárddi čujuhus lea Áhkkávággegeaidnu 238. Mánáidgárddis lea sámegielat fálaldat, mii čuovvu suohkana njuolggadusaid, ja barget systemáhtalaččat nannet sámegiel gelbbolašvuođa bargiin. Ulbmil lea šaddat sámegielat mánáidgárdi revitaliserenguovllus gos mearrasámi kulturárbi deattuhuvvo. Mánáidgárddis lea sierra sámi resursaolmmoš 100 % prošeaktavirggis, gii lea doarjjan giellaoahpaheamis mánáidgárddis. Mánáidgárddi temáplána fátmmasta sámi sisdoalu ja dan rievdadit juohke jagi. Lea mánáidgárddi ovttasbargolávdegoddi, mii dohkkeha jahkeplána.
Mánáidgárdi lea hui guovddážis. Lea lahka skuvlii, čuoiganláhttui, čiekčanšilljui, čierastanluohkkái ja Davvi álbmogiid guovddážii, gos lea musea, kulturlávdi, girjerájus, mearrasámi gievkkan ja giellasiida. Riddu Riđđu- festivála márkanguovlu lea min lagamus olgoguovlu. Doppe leat máŋggalágán visožat, goađit ja ráhkadusat. Mánáidgárddis lea luonddubálggis ja goavdi, lávvu ja grillenbárttaš.
Mánáidgárdi deattuha fysalaš doaimmaid olgun, meahccemátkkiid ja árbevirolaš duoji ja biepmu. Mánát ožžot lieggabiepmu guktii vahkus ja mis lea dasa gievkkanveahkki 40 % virggis. Mii čuovvut Statens ernæringsråda rávvagiid mii lea dearvvašlaš borrat ja ráhkadit guoli oktii vahkus, vai mánát ožžot proteiinnaid. Mánát ožžot šattuid ja ruotnasiid juohke borramii ja mis leat dearvvašlaš biepmut juohke mánnái. Buriid dábiid oahppá árrat.
Dán jagi vuoruha mánáidgárdi fátmmastahtti birrasa stoahkamis, oahppamis ja mot birget eallimis ovttas Tromssa universitehtain (UiT). Dás deattuhit gielalaš- ja sosiálagelbbolašvuođa. Oahppat njálmmálaš giela gáibida ollu hárjehallama ja buori giellabirrasa. Mis leat sihke ” mearkkain hupmamii” ja PCS- symbolat oassin min giellabirrasis, lassin sámegillii ja iešguđetlágán doarjagat eatnigiellaoahpahussii. Mii atnit aktiivvalaš jitnositlohkama min doaimmain giellaoahpahusas. Sosiála gelbbolašvuohta lea doaibmat positiivvalaččat earáiguin iešguđet oktavuođain ja mii atnit muitalusaid, imaštallat ja jurddahallat mánáiguin mot mii galgat láhttet ovttas earáiguin.
Prices
Kostpenger
50% plass pr. måned: 194,-
80% plass pr. måned: 310,-
100% plass pr. måned: 387,-
Barnehagesatser
50 % plass inntil 20 timer i uka
80 % plass inntil 32 timer i uka
100 % plass over 33 timer i uka
Det gis søskenmoderasjon med 30% av tildelt plass for barn nummer to, og 50% for flere barn.
* Fra 1. august 2023 ble det innført fri barnehage for kommuner i tiltakssonen.
Det er kun selve barnehageplassen som blir gratis, slik at kostpenger vil faktureres etter her oppsatte priser videre.
Biebmoruhta
50 % sadji, mánnosaččat: 194 ru.
80 % sadji, mánnosaččat: 310 ru.
100 % sadji, mánnosaččat: 387 ru.
Mánáidgárdemáksomearit
50 % sadji gitta 20 diibmui vahkkus, mánnosaččat: 1 74 ru.
80 % sadji gitta 32 diibmui vahkkus, mánnosaččat: 2 376 ru.
100 % sadji badjel 33 diibmui vahkkus, mánnosaččat: 2 947 ru.
Oappáid ja vieljaid ovddas oažžu hálbbit mánáidgárdesaji, nuppi máná ovddas hálbbiduvvo 30 % ja eanet mánáid ovddas 50 %.
*Borgemánu 1.beaivvi 2023 rájes álggahuvvo nuvttá mánáidgárdesadji suohkaniin doaibmaguovllus.
Dás leat hattit áigodagas cuoŋománnu -suoidnemánnu 2023.
Lea dušše mánáidgárdesadji, mii lea nuvttá. Biepmu ovddas sáddejuvvo faktura maŋŋel.
Dás viidásit mearriduvvon hattit.
Related information
Sist oppdatert