Stuora doalut ja buollinsuodjalus

Festiválat fertejit dieđihit buollinossodahkii mot dustejit buollinsihkkarvuođa.

Ovddasvástideaddji festiválain ja stuora doaluin galgá dieđihit unnimusat 14 beavvi ovdal doaluid suohkana buollinossodahkii. Dát guoská, jus doalut leat visttiin dahje guovlluin, mat eai dábálaččat adno dása (Brann – og eksplosjonsloven av 2002 § 7).

Dieđáhus ferte sisttisdoallat duođaštusa, mot dustejit sihkarvuođa, ee.:

• Doaluid áigi ja sisdoallu, sturrodat, báiki jna.
• Riskaguorahallan: Mii sáhttá mannat boastut, mot hehttet dáhpáhusaid ja makkár sihkarvuođadoaimmaid leat ráhkkanuvvon, vai váikkuhusat eai šatta nu stuorrát, jus juoga dáhpáhuvvá.
• Čilget visttiid hámi ja gullevaš diŋggaid ja rusttegiid, nu go alárbma – ja jietnarusttegat, jáddadanrusttegat ja báhtarangalbbat ja -čuovggat.
• Čilget mot diŋggat ja rusttegat girdet buollima (dola), buollánváralaš doaimmat ja mot visttiid ráhkadus gierdá buollima ja bissu go ceaggut.
• Čilget mot sáhttá báhtarit (gos, galle, govdodat jna.) olmmošlogu ja báhtaranáiggi ektui. Olmmošlogu galggašii mearridit ovdagihtii earenomáš guorahallama vuođul ovttas dohkkehuvvon buollinráđđeaddiin.
• Čilget mot báhtareapmi galgá čađahuvvot.
• Sihkkarvuođabargiidlistu: Galle, rutiinnat ja ovddasvástádus. Buohkat galget čađahan oahpahusa ja hárjehallamiid.
• Láhčit nu ahte gádjunveahka álkit beassá vistái/ guvlui.

Suohkan sáhttá gáibidit dieđuid, mat leat dárbbašlaččat árvvoštallat buollinvára. Sáhttet maiddái biddjot dárbbašlaš buollinvárjalandoaimmat ja gáržžádusat, mat leat gáibádusat ovddasvástideaddji doallái.

Dieđu doaluid birra galgá sáddet unnimus 14 beaivvi ovdal go galgat, ee. danne go muhtin áššit gullat plána – ja huksenlága mearrádusaide. Dát gullá earenomážit áššiide, main vistesihkarvuohta ii leat doarvái duođaštuvvon, ja/ dahje eavttut mot atnit visti rievdá olu doaluid geažil.

Dieđu galgá sáddet skoviin Ivgovuona buollin ja gádjumii.