eDialog - sádde sihkkaris digitála poastta midjiide

Suohkan lea váldán atnui eDialog External link.. eDialog bokte sáhtát oadjebasat sáddet midjiide reivviid ja dokumeanttaid elektrovnnalaččar, sihkkaris kanála bokte, maiddái dakkáriid mat eai galgga almmolašvuhtii leat oaidnimis.

Mii ávžžuhit sihke priváta olbmuid ja doaimmahagaid eDialog bokte sáddet midjiide dokumeanttaid sihkkaris vugiin.

E-poasta sáhttá leat eahpesihkkaris kanála

Oallugat sáddejit midjiide e-poasttaid. Dat sáhttá leat eahpesihkkaris vuohki, danne go dat sáhttá hackejuvvot, e-poasttat sáhttet bisánit spam-fierpmi duohkái ja áššemeannudeaddji geasa sáddet, ii soaitte leat barggus guhkes áigái. Danne ávžžuhit mii eanemus lági mielde atnit eDialog go áiggut juoidá sáddet suohkanii, maiddái dalle go sisdoallu ii leat čiegus almmolašvuhtii.

Leat máŋga ovdamuni eDialog válljemis:

• Don sáddet dieđuid sihkkaris kanála bokte.
• Lea čielggas gii lea sáddejeaddji.
• Sáddejuvvon poasta manná njuolga min ášše-/arkiivavuogádahkii.
• Mii ávžžuhit du sáddet dokumeanttaid suohkanii eDialog bokte, maiddái dalle go sisdoallu ii leat čiegus almmolašvuhtii.

Don it galgga atnit eDialog jus:

• Suohkanis lea elektrovnnalaš skovvi ulbmilii, ovdamearkka dihte mánáidgárdesaji ohcamii dahje virggi ohcamii External link..
• Jus dus leat álkis gažaldagat maid sáhttá e-poastta dahje sosiála mediaid bokte vástidit.

Sádde dás reivve eDialog bokte External link.

Vai sáhtát dán bálvalusa atnit, fertet logget sisa/duođaštit ID-porten bokte (MinID, BankID jna.). Go leat loggen sisa, de deavddát skovi ja lasihat mildosiid jus daid vel áiggut sáddet.

Ná deavddát skovi:

• Osiid maid ferte deavdit, leat merkejuvvon * (rukses násti).
• Oasis “tittel”, čilge man birra sátta lea. Jus dus juo lea áššenummar, de čálát dan maid dása.
• Oasis “kommentar”, čále iežat ášši dahje čilge mildosiid sisdoalu
• Muitte bidjat mielde relevánta mildosiid.
• Deaddel "Send forsendelse" – du čálus krypterejuvvo ja manná njuolga min ášše-/arkiivavuogádahkii. 
• Dutnje boahtá e-postii duođaštus ja referánsanummar.