Valástallama njoammunsuodjalusdieđut leat ođasmahtton

Dearvvasvuođadirektoráhtta ja Álbmotdearvvasvuođainstituhtta lea ođasmahtten valástallama njoammunsuodjalusdieđuid. Rievdadusat leat ee. ahte johtolatčuovgamodealla lea sihkkojuvvon eret ja dieđut leat dárkkistuvvon.

Dás gávnnat sihke vuđolaš njoammunsuodjalusdoaimmaid maid buohkat berrešit čuovvut čađat pandemiija áigge ja njoammunsuodjalusdoaimmaid mat earenomážit gullet valástallamii.  

Suohkan sáhttá maid báikkálaččat almmuhit dieđuid ja rávvagiid dárbbuid mielde.  

Dieđut leat ráhkaduvvon ovttas Álbmotdearvvasvuođainstituhtain ja Dearvvasvuođadirektoráhtain. Álbmotdearvvasvuođainstituhtas lea váldoovddasvástádus njoammunsuodjalusa fágalaš bealis. Dearvvasvuođadirektoráhtta almmuha dieđuid. 

Dás beasat lohkat dieđuid Lenke til et annet nettsted.

Oačču dieđuid jus bohtet rievdadusat

Álbmotdearvvasvuođa diehtosiidduid vuolimusas lea vejolaš čállit iežas mailačujuhusa ja oažžut dieđuid jus bohtet ođasmahttimat.