“Dievdoolbmot dearvvašvuođafágii” nammasaš áŋgiruššan galgá veahkehit rekrutteret eanet dearvvašvuođabargiid suohkansuorgái. Dán jagi uhccojuvvojit ođđa oasseváldit sihke Gáivuonas ja maiddai olles Romssas.

“Dievdoolbmot dearvvašvuođafágii” Romssas nammasaš áŋgiruššan lea ovttasbargu gaskkal Gáivuona suohkana, Romssa Fylkkasuohkana, ja NAV Romssa ja Finnmárkku. Ulbmil lea addit dievdoolbmuide vejolašvuođa oažžut fágareivve “Dievdoolbmot dearvvašvuođafágii” čađa. Oahppu lea komprimerejuvvon ja heivehuvvon dievdoolbmuide geat ohcet barggu, ja sii geat čuvvot oahppoprográmma ožžot ámmátnama dearvvašvuođarekruhtta. Oahpus lea motivašuvdna deháleabbo go ahki, mii mearkkaša ahte heive buohkaide vaikko leat vuollel 20 jagi dahje badjel 50. Oahppu addá vejolašvuođa bargat sihke hárjehusbarggus, geassebarggus ja oažžut dábálaš oahpahusa, ja oahpus oažžu sihke doarjaga NAV bokte ja bálkká suohkanis.

Ain eahpideame heive go dát fálaldat dutnje? Geahča filmmaža Dievdoolbmot dearvvašvuođafágii – searvva diehtojuohkinčoahkkimii Lenke til et annet nettsted.

Searvva diehtojuohkinčoahkkimii

Dohppe vejolašvuođa ja searvva diehtojuohkinčoahkkimii, dieđiheapmi geavvá du NAV bagadeaddji čađa. Čoahkkimis leat dieđut oahpu, ekonomiija, ja bargovejolašvuođa birra, ja doppe beasat maiddai oahpásmuvvat ovddeš dearvvašvuođarekruhtaiguin geat háliidit muitalit iežaset vásáhusaid birra ja makkár ávžžuhusat sis leat.

Dás gávnnat du guovllu diehtojuohkinčoahkkima: Dievdoolbmot dearvvašvuođafágii Romssas Lenke til et annet nettsted.

Jearahallan ja vejolašvuohta geahččalit bargat fidnus

Jus háliida searvat áŋgiruššamii, de bovdejuvvo jearahallamii maŋŋel diehtojuohkinčoahkkima gos oažžu fálaldaga bargat buhcciidsiiddas ja oažžut ámmátnama dearvvašvuođarekruhtta. Hárjehallanáigodagas boahtá sihke bagadeaddji ja fylkakoordináhtor “dievdoolbmot dearvvašvuođafágii” nammasaš áŋgiruššamis čuovvulit rekruhtaid.

Geassebargu ja geaidnu fágareivve guvlui

Maŋŋel hárjehallanáigodaga lea vejolaš oažžut geassebarggu ja gazzat eanet oahpu dearvvašvuođabargi fágareivve guvlui.

Leatgo don min boahttevaš dievdu? Dohppe vejolašvuođa!

Dovddat go soapmása gii ánssáša vejolašvuođa? Muital dievdoolbmot dearvvašvuođafágii áŋgiruššama birra!

Leat go jearaldagat dievdoolbmot dearvvašvuođafágii áŋgiruššama birra? Váldde oktavuođa: 

• Renate Salangli, Romssa Fylkakoordináhtor
• 905 45 564
• renate@mennihelse.no 

Fina maiddai ruovttosiiddus www.mennihelse.no Lenke til et annet nettsted.  dahje oza joavkku «mennihelse Troms» Facebookas.