Vuorrasat dahje doaimmashehttejuvvon olbmot geat siiddas orrot ja geat bártidit alcceseaset mállásiid ráhkadit, sáhttet ohcama bakte oažžut oastit mállásiid maid buhcciidsiiddas ráhkadit ja oažžut biepmu buktojuvvot njuolga 

jktv__bqmaa-brooke-lark_unsplash_Free use.jpg

siidii. Fálaldagas leat mállásat, bealle dahje olles poršuvdna aktan bajáluččain, maid buktet siidii 1 dahje 2 beaivvi vahkkus.

Fálaldat galgá leat deavddan gokčat biebmodárbbu ássiin geat iešguđetlágán sivaid geažil eai nagot gokčat dán dárbbu ollásit ieža, ja nu hehttet boasttu- / váilebiebmama ja buozalmasvuođa. Mállásat ráhkaduvvojit dearvvašvuođaguovddážis, galmmiiduvvojit ja ráhkaduvvojit poršuvdnapáhkkan. Mállásiid dolvot disdagaid ja bearjadagaid. Mállásat liggejuvvojit mikrobárroommanis pasieantta siiddas, ja ruovttubálvalus sáhttá veahkkin ligget mállásiid, jus lea dárbu.

Sáhtát ohcat mállásiidbuktima divššu ja fuolahusbálvalusaid skoviin. Skovi gávnnat dás.

Sáhtát maiddái váldit aktavuođa ruovttubálvalusa jođiheddjiin:
Linn Sylvi Steinnes
tlf 77 71 93 02,
e-boasta: linn.sylvi.steinnes@kafjord.kommune.no
Sáhtát oažžut veahki deavdit skovi, jus dan sávat.

Juohke poršuvnna haddi mearriduvvo suohkanstivrras jahkásaččat. Máksinmeriid gávnnat dás.

Rehket sáddejuvvon juohke mánu maŋŋilgo bálvalus lea čađahuvvon.