Mii lea BFÁ? (BTI)
- BFÁ lea BUORET FÁGAIDRASTTIDEADDJI ÁŊGIRUŠŠAN ja lea okta bargovuohki. Mii galgat ásahit ovttasdoaibmanmodealla, doaibmabagadallama, ja digitála ovttasdoaibmanneavvu mii álkidahttá doaresfágalaš ovttasbarggu suojehis mánáid ja nuoraid várás.
- BFÁ galgá veahkehit árrat identifiseret suojehis mánáid ja nuoraid. Sáhka lea ahte galgá DUOSTAT OAIDNIT ja DUOSTAT DAHKAT JUOIDÁ.
- BFÁ addá bargiide veahki diehtit mot galget doaibmat jus identifiserejit suojehis mánáid dahje nuoraid.
- BFÁ addá dutnje geavaheaddjin/ovddasteaddjin oassálastinvejolašvuođa ja oppalašgeahčastaga.
MANNE BFÁ?
Ulbmil lea sihkkarastit buori bajásšaddandili buot mánáide ja nuoraide. Dutkamušat ja vásáhusat bearihit ahte lea váttis oaidnit suojehis mánáid ja nuoraid doarvái árrat, sii eai oaččo veahki man dárbbašit, ja heajos ovttasdoaibman dagaha ahte eai ge oaččo čuovvuleami. BFÁ veahkeha ahte ulbmiljoavku oažžu dárbbašlaš ja oktiiheivehuvvon veahki nu árrat go vejolaččat vai garvit bonjuovdáneami ja unnidit vahága, ja ahte geavaheaddjit involverejuvvot olles prosessii, nu guhkás go vejolaččat.
BFÁ veahkeha:
- Čuovvulit ulbmiljoavkku árrat ja oktiiheivehuvvon.
- Čilget systemáhtalaš doaibmaplána imaštallama/vuorjašumi rájes doaimma rádjai njealji dási struktuvrra mielde, mas konkrehta reaidduiguin sáhttá heivehit rutiidnačilgehusaid dahje doaibmaprográmma báikkálaččat.
- Involveret mánáid, nuoraid ja váhnemiid barggus nu guhkás go ulbmilaččat.
