Pasieanttat ja geavaheaddjit geat dárbbašit guhkitáigásaš ja oktiiheivehuvvon bálvalusaid, sáhttet oažžut juolluduvvot koordináhtora ja ráhkaduvvot oktagaslaš plána, juos sii ieža sihtet dan. Oktiiheivehuvvon bálvalusaiguin oaivvilduvvo, ahte dárbu ferte guoskat guovtti dahje máŋgga dearvvašvuođa- ja fuolahusbálvalussii maid máŋgga iešguđege bálvalusfállis oažžu, ja ahte bálvalusat berrejit gehččojuvvot oktalaččat. Koordináhtor ráhkada oktagaslaš plána, fuolaha ahte ovttaskas geavaheaddji/pasieanta čuovvuluvvo, ja sihkkarastá ahte bálvalusfálaldat oktiiordnejuvvo ja ahte dan hárrái ovttasbargojuvvo.
Koordináhtora nammadettiin ja oktagaslaš plána ráhkadettiin ovttasbargojuvvo dávjá lahkalaga eará dearvvašvuođabálvalusaiguin, nugo omd. dearvvašvuođadivššáriin, doaktáriin, fysioterapevttain, ergoterapevttain, spesialistadearvvašvuođabálvalusain jna.
Oktagaslaš plána ja koordináhtor lea vuoigatvuođavuođđuduvvon Lágas suohkanlaš dearvvašvuođa- ja fuolahusbálvalusaid hárrái §7-1 Oktagašlaš plána ja § 7-2 Koordináhtor, ja Lágas pasieanta- ja geavaheaddjivuoigatvuođaid hárrái § 2-5 Vuoigatvuohta oktagaslaš plánii.
Ohcamuš sáddejuvvo Gáivuona suohkanii dikšun- ja fuolahanbálvalusa bokte.
