Dalle go duiskkalaččat geassádedje ruovttoluotta 1944:s jávkaduvvui stuora oassi regiovnna materiála kulturárbbis. Gáivuona suohkan ja Olmmáivággi ledje lulimus suohkan ja gilli maid Duiskka okkupašuvdnafápmu bolddii, dalle go válde atnui buollán eatnama -taktihka vai sovjehtalaš Rukses Arméa ii sáhttán atnit ávkki dain resurssain mat ledje leamašan doppe. Dat mielddisbuktá ahte Davvi-Romssa museas leat sihke regiovnnalaš ja našuvnnalaš geatnegasvuođat áimmahuššat barggustis.

Davvi-Romssa museai lea leamašan hui ávkkálaš ahte regiovnna ássit dorjot musea barggu. Dainna lágiin lea musea čohkken stuora dávvir- ja govvavuorkká mii duođašta áiggi ovdal ja maŋŋel nuppi máilmmisoađi. Govvačoakkáldagas leat eanet go 40 000 gova. Museas lea leamašan guovddáš rolla dološ visttiid vurkkodeamis regiovnnas, ja das lea dál ovddasvástádus 65 vistti ovddas, earret eará Miessegietti mearrasámi dálu ovddas Gáivuonas.

Davvi-Romssa musea fágalaš fokus lea: Hálddašeapmi, dutkan, gaskkusteapmi ja ođasmahttin. Musea háliida leat áigeguovdilis servodataktevra, vrd. St. dieđ. nr. 49 “Framtidas museum” (Boahtteáiggi musea).

Eanet dieđuid Davvi-Romssa musea birra gávnnat musea .