Girjerádju

Gait ossodagain: Girjjit, jietnagirjjit, musihka, spealut, áigečállosat mánáid ja rávis-olbuid várás ja diehtogirjjit. Don gávnnat maid almmolaš dieđuid suohkanis, fylkkas, Sámedikkis, stádas, stuoradikkis ja ráđđehusas. Gáivuona girjerájus leat logi dihtora ja njeallje neahttabreahta main lea interneahtta gehččiide (guokte dihtora leat studeanttaid várás).
Jus mis eai leat dihto girjjit, de mii sáhttit luoikkahit iežá girjerájuin Norggas ja Davviriikkain. Mis leat sihke Dálusvákkis ja Olmmáivákkis oahppolanjat rávis olbmuide, joavkolanjat/lohkanlanjat main leat dihtor, diehtočállosat, scanner ja das lea maid vejolaš atnit čálána, kopiastinmašiinna, telefovnna ja fáksa.

Girjerájus lea maid govva- ja jietnarusttegat  ja jođaskeahtes neahttafierpmádat. Báikkálaš čoakkáldagat main leat dokumeanttat olbmuid main lea gullevašvuohta Gáivuona suohkanii, Gáivuona suohkana birra, álbmotlohkamat ja girkogirjjit ja iežá dieđut Davvi-Romssas. Mis lea oalle stuora čoakkáldat sámi girjjálašvuođa, sámiid, sámi kultuvrra ja historjjá birra.

Seammalágan mediašlájaid gávnnat maiddái busses ja Olmmáivákki girjerádjoossodagas. Sámi girjerádjobálvalus doalaha busse sámi mediašlájaiguin.

Telefovdna: 77 71 93 85
Arne Steinnes, girjerádjohoavda
Mob.telefovdna: 47 04 77 88
E-poasta: arne.steinnes@kafjord.kommune.no
Aktasaš e-poasta: bibliotek@kafjord.kommune.no

Galledančujuhus / Boastačujuhus: Olmmáivákki girjerádjoossodat, Davvi álbmogiid guovddáš AS, 9144 Samuelsberg
Telefovdna: 77 71 93 87
E-poasta: manndalen.bibliotek@kafjord.kommune.no

Girjerádjobargi: Lise Mari Nilsen (álbmotgirjerádju) rievdavaš bargoáigi, girjeráju luopmoáiggi.

e-poasta: lise.mari.nilsen@kafjord.kommune.no

Skovlagirjerádjobargi: Toril Beate Lyngstad (gaskavahkuid bie. 11.30 - 13.30 ja bearjadagaid bie. 11.30 - 13.00)  

e-poasta: toril.lyngstad@kafjord.kommune.no

Girjerádju lea oahpposadji dutnje gii háliidat oahpu dehe liigeoahpu váldit. Girjerájus leat lohkansajit ja joavkolanjat. Girjerájus lea vejolaš ávkkástallat sihke dábálaš rahpanáiggis ja maŋŋil rahpanáiggi. Girjerájus sáhtát šiehttat govt ja goas áiggut ávkkástallat fálaldaga. Girjerádju veahkkeha du ohcat girjjálašvuođa maid dárbbahat, ja govt sáhát interneahta atnit. Girjerájus leat dihtorat main lea Microsoft Office-prográmmat ja interneahtta. Guokte dihtora lea vejolaš diŋgot guhkeáiggi luoikkasin bargočállimii, prošeaktabargui jna. Girjerájus sáhtát maid iežat dihtora atnit jođaskeahtes interneahta bakte. Don oaččut geavaheaddjinama ja beassansáni girjerájus. Girjerádjobálvalus lea nuvttá.

Girjebierdna Ovllá lea doaibmabidju girjerádjovdánanprošeavttas "Framtidas kunnskapsarena". Jagi 2012 rájis leat gait Davvi-Romssa suohkanat mielde "Ole Bok" doaibmabijuin. Gáivuonas lea "Ole Bok" ovttasbargoprošeakta masa ovddidanetáhtta girjerájus, bajásšaddanetáhtta ja dearvvasvuođa štašuvdna servet.

Mihttu lea movttitdahttit Gáivuona mánáid girjjiid lohkat. Mii háliidit movttiidahttit váhnemiid oahpásmuhttit mánáideaset girjjiid máilbmái.

Váldoulbmilat leat:
Nannet mánáid iešdovddu
Váikkuhit mánáid giellaovdáneapmái
Ovddidit lohkanmiela ja lohkanmáhtu

Gait mánát Gáivuonas ožžot skeaŋkagirjjiid girjerájus ja dearvvasvuođaguovddážis

• Skeaŋkagirji mánážiidda
• Skeaŋkagirji guovttejahkásaččaide
• Skeaŋkagirji njealjejahkásaččaide
• Guokte skeaŋkagirjji guđajahkásaččaide. Ovdalgo mánát heitet mánáidgárddis ja ripmet skovlii, sii ožžot ovtta girjji miessemánus/geassemánus, ja go sii leat riepman skovlii sii ožžot ovtta guovttegielalaš girjji sápmái/dárrui ođđajagemánus/guovvamánus.

Aktiigait galget gait mánát geat leat riegádan jagi 2012 maŋŋil  ja dan jagi mielde go devdet 6 jagi, ožžot 5 skeaŋkagirjji Gáivuona suohkanis.

Gait dat mánát ožžot skeaŋkakoartta ja bovdehusa "Ole Bok" doaluide girjerádjui dehe dearvvasvuođaguovddážii. Doppe mii lohkat girjjis, lávlut ja skeŋket dáid. Váhnemat oahpástuvvet maid Gáivuona girjeráju fálaldahkii, ja mánát oahpástuvvet iežá mánáide geat leat semmá boarrásat go sii.

Laktit stohkosa, govaid, mánáid já ovdáneami oktii, seammás go fuomášuhttit girjji juonin mas sáhttit gávnnadit, sáhtálii leat buorre vuohki ovddidit lohkanovdáneami ja lohkanilu. 

Videokonferánsalatnja lea vejolaš láigohit earret eará čoahkkimiidda ja kurssaide.
Jus áiggut diŋgot lanja, de feret muitalit:

• čoahkkima beaivemearri ja áigi 
• diŋgojeaddji namma
• galle olbmo servet čoahkkimii girjerájus + telefovdnanummar.
• čoahkkinoasseváldi videokonferánsarusttegiid videocallnummar
• čoahkkinoasseváldi tlf.nummar
• dieđut gosa rehket galgá sáddejuvvot

Váldde aktavuođa iežat báikkálaš girjerádjui, jus háliidat videokonferánsalanja atnit.

Rusttegat leat nuvttá studeanttaide.
 

Movt riŋget videokonferánsii Gáivuona Digitála Guovddážii (Gáivuona girjerájus)

Mus lea sierra oanehisnummár:
• Riŋge njuolga iežat Multii čoahkkinlatnji  oanehis nummár 4861bokte
• Deaddil pin-koda 4860 ja dasto #

Mus lea IP:
• Riŋge IP-nummár: 37.252.116.10 (dárkilit nu go lea čállon)
• Deaddil čoahkkinlanjanummára 4861 ja dasto #
• Deaddil pin-koda 4860 ja dasto #

Mun riŋgen dan telefovnnas:
• Riŋge nummár 22582104 – (+47 jus riŋget olgoriikkas) Don boađat čoahkkinbáikki álgosiidui.
• Deaddil iežat Multi-čoahkkinnummar; 4861 ja dasto #
• Deaddil pin-koda 4860 ja dasto #

Mus lea ENUM- nummár:
• IP-nummár 4861@easym.net (dárkilit nu go lea čállon)
• Deaddil pin-koda 4860 ja dasto #