Hopp til hovedmenyen på siden Hopp til hovedinnholdet på siden
error_outline
20. mai kl. 08:07

 Ráđđeviessu Dálusvákkis rahppojuvvo fas miessemánu 20.b. rájes

Les mer clear
error_outline
19. mai kl. 09:40

Åpning av rådhuset i Olderdalen fra 20. mai

Les mer clear
error_outline
25. mars kl. 15:54

Dieđut koronavirusa birra sámegielaide

Dearvvašvuođadirektoráhtta, Álbmotdearvvašvuođainstituhtta ja Sámediggi leat jorgalahttime dehálaš dieđuid álbmogii korona birra sámegielaide.

Loga eanet clear

Suohkanpsykologa

Suohkanpsykologa váldodahkamuš lea bargat mánáid ja nuoraid psykalaš dearvvašvuođain gitta 23 jahkásaččaid rádjai ja sin bearrašiiguin.Psykologain sáhttá váldit oktavuođa njuolga, iige olmmoš dárbbaš doaktáris čujuhusa. Fálaldat lea nuvttá.

Suohkanpsykologa bargosuorgi
Suohkanpsykologa gidde fuopmášumi oktagasdearvvašvuhtii ja álbmotdearvvašvuhtii. Oktagasdásis sáhttá olmmoš oažžut dearvvašvuođaveahki juos vásiha psykalaš váivviid ja váttisvuođaid, lea fáhtehallamin psykalaš gillámušaide dahje lea losses eallindilálašvuođain. Sutnje sáhttá fállojuvvot guorahallan, neavvun dahje hohppilis dikšu. Psykologa sáhttá veahkehit sihke oktagaslaččat, bearrašis dahje searválaga eará deaŧalaš guimmiiguin. Juos leat losses psykalaš gillámušat mat dárbbašit earenoamáš divššu, de sáhttá suohkanpsykologa veahkehit nu ahte čujuha ovdamearkka dihte mánáid- ja nuoraidpsykiátralaš poliklinihkkii (MNP). 

Álbmotdearvvašvuođadiđolaš bargu mielddisbuktá earret eará kurssaid ja oahpahusa ja oassálastima suohkana plánabargui.

Fágaidrasttideaddji ovttasbargu
Suohkanpsykologa ulbmil lea bargat fágaid rasttá. Dát mielddisbuktá earret eará, ahte dilálašvuođain main dat adnojuvvo ávkkálažžan, jerrojuvvo olbmos mieđáhus álggahit ovttasbarggu ovdamearkka dihte fástadoaktáriin, dearvvašvuođadivššáriin, mánáidsuodjalusain, skuvllain ja mánáidgárddiin. 

Suohkanpsykologa báiki
Suohkanpsykologa kantuvra lea Biertávári dearvvašvuođasiidda nuppi gearddis, seamma feaskáris go dearvvašvuođastašuvdnage. Álggahuvvo maiddái kantuvraáigi buot Gáivuona skuvllaide, dáid beaivemearit ja áigemuttut almmuhuvvojit dađistaga.

Jávohisvuođageatnegasvuohta
Suohkanpsykologas lea jávohisvuođageatnegasvuohta.

Aktavuođadieđut
Suohkanpsykologain Sondre Henden sáhttá váldit aktavuođa njuolga dán bokte:
Telefovdna: 900 18 268
Poastačujuhus: Gáivuona dearvvasvuođasiida, Speaidnačorru, 9147 Biertavárri
Fitnančujuhus: Gáivuona dearvvasvuođasiida, Speaidnačorru, 9147 Biertavarri
Giella Norsk - NorwegianGiella Sami - Samisk