Kompetanse Norge neahttasiidduin gávnnat dieđuid iskosa čađaheami ja sisdoalu birra, ja maiddái ovdamearkabargobihtáid.
Olbmot geain lea orrunlohpi, mii addá rievtti ja geatnegasvuođa ohppui maŋŋá čakčamánu 1. beaivvi 2013, galget gerget oahpuset iskosiin.
Buot oasseváldit, geain lea riekti ja geatnegasvuohta dárogillii ja servodatmáhttui, besset nuvttá geahččalit váldit njálmmálaš iskosa ja geahččalit čálalaš iskosa.
Oasseváldit, geain lea riekti ja geatnegasvuohta ja geat leat ovdal váldán dárogiela iskosa, galget ieža máksit iskosis.
Geatnegas oasseváldit ja máksi oasseváldit galget máksit geahččalanmávssu juohke iskosis.
Lea maiddái vejolaš váldit ođđasis oasseiskosa (loga, guldal dahje čále) jua háliidat buoridit oasseiskosa bohtosa. Dan fertet ieš máksit.
Dieđiheapmi iskosii
Dieđihat iežat iskosii www.norskprøven.no
Láhčin iskosa várás
Jus dárbbašat sierra láhčima iskosii, de fertet sáddet čálalaš ohcamuša láhčimis maŋimustá golbma doaibmabeaivvi dieđihanáiggi maŋŋá.
Galggat bidjat ohcamuša mielde doaktára, psykologa , pp-bálvalusa dahje logopeda cealkámuša.
Láhčin sáhttá leat omd. lasseáigi, dahje dat ahte don beasat čohkkát iežat lanjas go válddát iskosa.
Ohcamuš láhčimis sáddejuvvo:
GÁIVUONA RÁVESVOLBMUIDOAHPAHUS/KÅFJORD VOKSENOPPLÆRING
Boks 74,9148 DÁLUSVÁGGI.
Jávkan dárogiela iskosis
Jávkan iskosis merkejuvvo “ii boahtán” ja gehččojuvvo iskkusgeahččaleapmin. Evttohasat geaidda iskkus lea nuvttá, gártet máksit čuovvovaš geahččaleamis.
Lobálaš jávkamis sáddejuvvo buohccindieđiheapmi:
GÁIVUONA RÁVESVOLBMUIDOAHPAHUS/KÅFJORD VOKSENOPPLÆRING
Boks 74, 9148 DÁLUSVÁGGI.
Áigemearri sáddet dokumentašuvnna lea 7 beaivvi iskkusbeaivvi maŋŋá
Váidalus
Váidalus čađaheamis: Váidalit sáhttá formálalaš feaillain iskosis. Formálalaš feaila sáhttá leat ovdamearkka dihte teknihkalaš feaila iskkusbeaivve, mii du mielas sáhttá váikkuhan du bohtosii.
Váidalusáigi lea golbma vahkku dan maŋŋá go leat váldán iskosa.
Váidalus sáddejuvvo:
GÁIVUONA RÁVESVOLBMUIDOAHPAHUS/KÅFJORD VOKSENOPPLÆRING,
Boks 74, 9148 DÁLUSVÁGGI.
Bohtosis váidin
Sáhtát váidit dušše čálalaš iskosis. Go váiddát, de sáhtát oažžut seammá, fuonit dahje buoret bohtosa.
Don it oaččo váidit lohkaniskosa bohtosis, guldalaniskosis, itge njálmmálaš iskosis. Váidináigi lea golbma vahku dan maŋŋá go leat ožžon iskosa bohtosa.
Váidda sáddejuvvo:
Vox, nasjonalt fagorgan for kompetansepolitikk
Rådhusgaten 2, 5014 Bergen
Iskkusduođaštus
Don sáhtát oažžut iešguđetlágan bohtosa guđege iskosa oasis. Don sáhtát oažžut bohtosiid: Vuollái A1, A1, A2, B1 og B2.
Don it beasa diehtit bohtosiiddát ovdal go iskkusduođaštus boahtá poasttas. Iskkusduođaštus sáddejuvvo poastta mielde sulaid guhtta vahkku iskosa váldima maŋŋá.
Sáhttá mannát muhtin beaivi ovdalgo dat joavdá dutnje poasttas.
Iskkusduođaštus čájeha du bohtosa. Jus don leat váldán iskosa máŋgga háve, de leat dat buoremus boađus, mii lea čállojuvvon iskkusduođaštussii.
Jus leat váldán iskosa ovdal itge leat buoridan bohtosat, de dalle lea du ovddit boađus čállojuvvon iskkusduođaštussii.
DIEĐUT SERVODATMÁHTU ISKOSIS
Suohkan mearrida ieš goas dat lágida iskosa servodatmáhtus. Min suohkan lágida 50 diimmu servodatmáhtu kurssa dađi mielde go lea dárbu ja doallá iskosa loahpageahčen kurssa.
Váldde fal oktavuođa Rávesolbmuidoahpahussii, jus dus lea jearramuš dán kurssa ja iskosa birra.
Oktavuođaolmmoš:
Ellen Lindvall, tel. 77 71 92 08 dahje e-poasta ellen.lindvall@kafjord.kommune.no
Dábálaš dieđut dutnje, gii áiggot váldit iskosa gávdnojit čujuhusas samfunnskunnskapsprøven.no.
Dieđit iežat iskosii dáppe: www.samfunnskunnskapsprøven.no
