Olderdalen skole vinter

Skovllas leat 75 oahppi juhkkojuvvon 10 luohkkáceahkkái. Oahppit bohtet Čietnjalluovttas, Dážavákkis, Junttanjárggas, Dálusvákkis, Noammervákkis, Ruollaluovttas, Biertaváris ja Gáivuonvákkis. Skovllas lea sierra álgoluohkkáfálaldat.

Dálusvákki skovla lea fárus Ungdomstrinn i utvikling nammasaš nationála áŋgiruššamis ja lea válljen vuođđogálgan rehkenastima nannesuorgin olles skuvlii. Dat mearkkaša ahte skovla gitta 2017 giđa rádjái galgá hárjehallat dahkat rehkenastima eanet áigeguovdilin ja eanet oalgguheaddjin gait fágain.

Galgat bargat vel eanet buoridit oahppobirrasa ja oččodit ohppiide buoret oahppojoksosa. Skovllas lea maiddái mihttu šaddat Miljøfyrtårnan skuvlajagis 2016/17.

Skovla lea ollu jagiid deattuhan lagasbirrasa ja máŋggakultuvrralaš jurddašeami ovdánahttinbarggus. Mis leat guhkes áiggi vásáhusat bargat riikkaidgaskasaš gažaldagaiguin ja áimmahuššat ja ovdánahttit báikkálaš kultuvrra mii lea mihtilmas min guovlluin.

Dálusvákki skovla lágida jahkásaččat leairaskuvlla ja skábmaprošeavtta buot ohppiide. Nuoraidskovllas sáhttet oahppit earet eará válljet fágaid bargoeallinfága, sámegiella, duiskagiella, luondu, biras ja meahcástallan, vuođđokursa trafihkas ja mediat ja diehtojuohkin.
 

Aktavuođaváldima dieđut
Britt Pedersen, rektor
Telefovdna: 77 71 92 72
E-poasta: britt.pedersen@kafjord.kommune.no

Anette Seppälä, oahpahusdárkkisteaddji
Telefon: 77 71 92 71
E-poasta:anette.seppala@kafjord.kommune.no

Oddveig M. Eriksen, čálli
Telefovdna: 77 71 92 70
E-poasta: oddveig.eriksen@kafjord.kommune.no

Oahpaheddjiid lanja telefovdna: 77 71 92 76

Fitnanadreassa

Dálusvákki skovla
Skolevegen 5
9146 Dálusvággi

Poastačujuhus

Dálusvákki skovla
Poastastobe 63
9148 Dálusvággi

Fakturaadreassa

Gáivuona suohkan
Poastastobe 74
9148 Dálusvággi