Suohkandássi

Mielváikkuheamis lea sáhka das, ahte geavaheaddjit galget beassat váikkuhit mearridanproseassaide ja bálvalusfálaldagaid hábmemii. Geavaheddjiin lea vuoigatvuohta mielváikkuhit, ja bálvalusain lea geatnegasvuohta fátmmastit geavaheaddji. Mielváikkuheapmi lea láhkanannejuvvon vuoigatvuohta, ja danne dat ii leat juoga mainna suohkan sáhttá válljet meannudit dahje diktit meannutkeahttá.

Gáivuona suohkanis leat iešguđetlágan ovttasdoaibmanrutiinnat suohkana bálvalusaid gaskkas, mat barget mánáiguin ja nuoraiguin.

Lassin leat mis suohkaniid gaskasaš bálvalusat ovttas iešguđet suohkaniiguin, sihke Davvi-Romssas ja dan guovllu olggobealde.

Suohkana spiehkastat- ja kvaliteahttavuogádat galgá váfistit, ahte suohkan čuovvula spiehkastagaid mat dáhpáhuvvet. Spiehkastagat leat sávakeahtes dáhpáhusat, mat leat dagahan dahje sáhttet dagahit vahága olbmuide, birrasii ja/dahje ávdnasiidda.

Juovlamánus 2019 álggahuvvui prošeakta Buoret fágaidgaskasaš ovttasdoaibman Gáivuonas. Prošeavtta olahanulbmil lea buoret fágaidgaskasaš ovttasdoaibman suohkanis, suojehis mánáid ja nuoraid buorrin. Das lea sáhka árra identifiseremis, buorre vuorroortnegis ja doaibmabijuid oppalašgeahčastagas ja čielgaset čatnosiin barggus mii dahkkojuvvo suojehis mánáid ja nuoraid várás. Veahkkin iežamet bargui leat mii váldán atnui BFÁ-modealla (buoret fágaidgaskasaš áŋgiruššama modealla), mii lea bagadus guđe ládje mii galgat bargat. Modealla gávnnat dáppe.

Leat mearriduvvon máŋga lága, láhkaásahusa ja nationála válddahallama, mat muddejit ja mearridit suohkana bálvalusfálaldagaid mánáid ja nuoraid várás. Dáppe gávnnat máŋga dakkára.