Gáivuona suohkan juohká jahkásaččat kulturdoarjagiid báikkálaš joavkkuide ja servviide. Doarjagiid ulbmil lea movttiidahttit joavkkuid ja servviid eanet doaimmaid ja lágidemiid lágidit. Gáivuona suohkan sávvá kulturdoarjagiid leat mielde ovddideame kultur- ja valáštallandoaimmaid miehtá suohkana. Mii sáhttit juohkit doarjaga doaimmaide, rusttegiidda, easkka ásahuvvon servviide, prošeavttaide ja doaibmabijuide mat ávkkuhit suohkana álbmoga. Mii vuoruhit dihto joavkkuid

Jagi 2019 ođasmahttojuvvui kulturruđaid doarjjaortnet, mii earret eará mielddisbuvttii ahte doarjjaortnet dál lea digitálalaš. Ođasmahttin mielddisbuvttii maiddái eará nuppástuhttimiid, nugo:

  • Dál lea várrejuvvon stuorát submi kulturruđaid várás go ovdal suohkana doaibmabušeahta bokte
  • Submit galget indeaksamuddejuvvot jahkásaččat KPI mielde
  • Ohcci(t) earenoamáš ulbmiliid ovddas sáhttá (sáhttet) sierranas dáhpáhusain ohcat, ja juos lea(t) doarjjaortnega ulbmila ja juksanmeriid siskkobealde, oažžut kulturruđaid
  • Ovttaskasolbmot sáhttet sierranas dáhpáhusain ohcat, ja juos leat doarjjaortnega ulbmila ja juksanmeriid siskkobealde, oažžut kulturruđaid
  • Báikkálaš institušuvnnat sáhttet dál ohcat kulturruđaid čuožžovaš doaibmabijuide
  • Sáhttet ohccojuvvot álggahanruđat ođđaásahuvvon servviide/ovttastusaide vuosttaš doaibmajahkái (alimus submi kr. 5000,-)
  • Várrejuvvo ozahahtti ruhtasubmi kr. 40 000,- (earenoamáš ulbmiliidda ja doaibmabijuide)
  • Juos leat vel báhcán bušeahtas ruđat geavatkeahttá maŋŋilgo kulturruđat leat juhkkojuvvon ohcciide dábálaš ohcanáigemeari siskkobealde, de sáhttet ruđat go vejolaš ohcamušat main leat čuožžovaš ulbmilat gieđahallojuvvojit, geavahuvvot. Dakkár dáhpáhusain vuoruhuvvojit aktivitehtat mat bohtet mánáide, nuoraide ja/dahje eará earenoamáš joavkkuide buorrin
  • Earenoamáš joavkkut vuoruhuvvojit ain
  • Searvvi aktivitehta lea ain suohkanlaš kulturruđaid juohkima deaŧalaččamus eaktu (ovddit doaibmajagis)

micheile-henderson-lZ_4nPFKcV8-unsplash.jpg

Geat sáhttet ohcat kulturruđaid Gáivuona suohkanis?

  • Báikkálaš searvvit ja ovttastusat mat leat logahallojuvvon ovttadatregistarii (Brønnøysundregistrene)
  • Báikkálaš institušuvnnat
  • Ovttaskasolbmot dahje ohccit geat ovddastit earenoamáš ulbmiliid dahje doaibmabijuid mat sáhttet vuođuštuvvot doarjjaortnega juksanmeriid mielde.


Makkár doaimmaide juhkkojuvvojit kulturruđat? 

  1. Aktivitehtadoarjagiidda 
  2. Ođđa doaibmabijuide ja ođđaásahuvvon ovttastusaide
  3. Rusttegiid doallamiidda
  4. Sierranas ulbmiliidda

Movt galgá ohcat?

Čuovo dán liŋkka vai dádjadat elektrovnnalaš ohcanskovvái. Elektrovnnalaš ohcanskovi bagadallama gávnnat, go geahčastat dán dokumeanttas dábálaččat jerrojuvvon gažaldagaid: FAQ Kulturruđat


Ohcanáigemearri?

 Dábálaš ohcanáigemearri lea miessemánu 1. beaivi juohke jagi. 2021 ohcanáigemeari lea 16.05.2021

Lea veara fuopmášit: 

  • Ohcamušat mat bohtet sisa maŋŋil áigemeari, main eai leat dárbbašlaš mildosat ja/dahje eai leat sáddejuvvon elektrovnnalaš ohcanskoviin, eai gieđahallojuvvo. 
  • Juogadeapmi ferte gehččojuvvot Gáivuona suohkana bušeahttarámmaid ja sisaboahtán ohcamušaid logu ektui. 

Čuožžovaš dokumeanttat: 

Eambbo dieđuid dihte doarjjaortnegis, geahčas dáppe: Gáivuona suohkana kulturruđaid juolludusortnet

Mearriduvvon juolludaneavttuid, ja suohkanlaš kulturruđaid juogadančovdosa gávnnat dáppe: Gáivuona suohkana meannuduvvon eavttut suohkana kulturruđaid juolludeapmái 2020 rájes

Kulturruđaid elektrovnnalaš ohcanskovi gávnnat "k" vuolde dáppe: Skovit A-Å 

Bagadallama elektrovnnalaš ohcanskovi várás oktan dábálaččat jerrojuvvon gažaldagaiguin, gávnnat dáppe: FAQ kulturruđat

Sierračálihus Evttohus kulturruđaid ođđa ortnega birra