Statihkalaš guovddášdoaimmahaga (SSB) rehkenastimis jagi 2040 guvlui oaidná ahte Gáivuona olmmošlogus lea njiedjantendeansa (-27,7% ahkejoavkkus 13-15 jagi). Otná beaivvis leat suohkanis 57 nuora guoskevaš ahkejoavkkus, mii mearkkaša ahte leat gaskamearalaččat 19 oahppi jahkebuolvvain. Jus Statihkalaš guovddášdoaimmahaga rehkenastin stemme, de leat Gáivuona suohkanis dušše 42 oahppi nuoraidcehkiin jagi 2040.
Nuoraid sávaldagat
2021 giđa ássiidiskkadeamis sávve oallugat, ja erenomážit nuorat gaskkal 13-15 jagi ahte galggašii ásahuvvot oktasaš nuoraidskuvla. Gáivuona suohkana nuoraidráđđi loktii ášši golggotmánu 2021 čoahkkimis, ja mánáid suohkanstivrračoahkkimis njukčamánu 2021. Gáivuona suohkanstivra mearridii áššis 38/22 čuovvovaččat:
“Sáddejuvvo gulaskuddanreive skuvllaid ráđđehusásahusaide, bargiide, ohppiide, ovddasteddjiide, nuoraidráđiide, politihkkariidda, ássiide ja eará berošteddjiide, mas suohkan bivdá cealkámušaid evttohusas ásahit oktasaš nuoraidskuvlla”.
Guhkesáigásaš, mearrediđolaš ja strategalaš áŋgiruššan mánáid ja nuoraid vuostá Gáivuona suohkanis
Mearriduvvon nuoraidráđis cuoŋománu 5.b.22 áššis 6/22 ja suohkanstivrras cuoŋománu 7.b. 22 áššis 31/22
Go gáržžiduvvon sosiála fierpmádagat sáhttá dagahit eanet givssideami ja olggušteami nuoraid gaskka, de jerrojuvvo mearriduvvon mandáhta strategiijas; vuhtiiváldá go otná struktuvra mánáid ja nuoraid buoremus lágiid mielde?
Maiddai Distriktsenteret nammasaš gelbbolašvuođaguovddáža raporttas vižžojuvvon nuoraid guovllupanelas boahtá ovdan, ahte nuorain leat positiiva vásáhusat orrumis báikkálašbirrasis gos dovdet buohkaid. Seammás deattuhuvvo čuovvovaččat: Šlárvvaid, “jantelága”, ja “gilielliid” lassin, soaitá nuoraid mielas leamen váttis “čájehit iežaset duohta gova”, ja váillahit maiddai olbmuid valljivuođa ja beroštumiid (ibid). Mánáid ja nuoraid joavkku mielas addá nuoraidskuvla gos leat eanet oahppit, stuorát valljivuohta, ja gos oahpaheddjiin lea vejolaš oažžut eanet konsentrerejuvvon fágabirrasa, vejolašvuođa váikkuhit nuoraid suohkanis positiivvalaš guvlui.
Lea ollu mii čájeha ahte livčče buorre oktasaš nuoraidskuvllain suohkanis. Ovdalgo mihkkege mearriduvvo, galggašii olgguldas institušuvdna iskat ášši vai oažžut objektiivva mearrádusvuođu. Dás galggašii earret earret iskat organisatoralaš, pedagogalaš, ja ekonomalaš konsekveanssaid nugo oahppanjoksosiid, ásaheami, konsekveanssaid lagasbirrasii, skuvlabirrasa jna.
Cealkámušat Gáivuona suohkanstivrii
Suohkanstivra bivdá cealkámušaid buot beliin áššis ja maiddai eará beroštumiin. Maid jurddašat/jurddašehpet oktasaš nuoraidskuvlla birra Gáivuonas?
Galggašii gaskadássi inkluderejuvvot?
Sádde cealkámušaid Gáivuona suohkanii poastaboksa 74, 9148 Dálusvággi, dahje e-poastta bokte postmottak@kafjord.kommune.no
Gulaskuddanáigemearri skábmamánu 30.b.2022
