Hopp til hovedmenyen på siden Hopp til hovedinnholdet på siden
error_outline
18. oktober kl. 13:25

Ođasmáhttojuvvon njoammunlogut borgemánu 17.b.2021

Dieđut koronavirusa birra

loga eanet clear
error_outline
11. oktober kl. 12:34

Influensavaksinering 2021

loga eanet clear
error_outline
08. oktober kl. 13:08

Status koronasmitte i Kåfjord

Til koronainfo

loga eanet clear
Sandemark skole

Doarjja ráfáidahtton sámi visttiide, kulturmuittuide ja kulturbirrasiidda

Doarjja lea erenoamážit ráfáidahtton sámi visttiid priváhtta eaiggádiidda.

Ohcanáigemearri: skábmamánnu 1. beaivi 2021.

Gii sáhttá ohcat: Sámi kulturmuittuid ja kulturbirrasiid priváhta eaiggádat, maiddái ráfáidahtton sámi visttiid.

Sámediggi juolluda doarjjaruđaid stáhtabudjeahta kap. 1429 poastta 71 vuođul sámi kulturmuittuid ja kulturbirrasiid váste.

Elektrovnnalaš ohcanskovi ja doarjaga njuolggadusaid gávnnat Riksantikvaren neahttasiiddus.

Doarjja lea jahkái 2022.

Tautrekking ungdom

Gáivuona nuoraidráđđi almmuha doarjaga gárrenvuođaeastadeami bargui maid searvvit sáhttet ohcat

Juolluda oktiibuot kr. 40 000,- ohcamiid vuođul.

 Dál almmuhuvvojit ruđat gárrenvuođa eastadeami doaimmaide 12-19-jahkásaš mánáid ja nuoraid váste. Gáivuona suohkana nuoraidráđđi eaktodáhtolaš servviid ja ovttastusaid ohcat doarjaga suohtas lágidemiide.

 

Áigemearri: ohcan ferte leat ollen suohkanii ovdal mánnodaga 25.10.2021 rádjái. 

 

Ohcama sáddet deike: post@kafjord.kommune.no ja merket "rusforebyggende midler 2021/gárrenvuođaeastadeami doarjja 2021". 

Styrketrening

Kåfjordhallen gievrudanlanja boahttevaš atnu

Rabas eanebuidda!

Suohkanstivra mearridii geassemánu-čoahkkimis áššis 58/21 ođđa njuolggadusaid Kåfjordhallena gievrudanlanja atnui. Deaŧalaš rievdadeapmi lea ahte dál sáhttet vel eanebut atnit gievrudanlanja fálaldagaid, go dál ožžot lanja atnit maiddái 1) suohkana bargit gitta dii. 17.00 rádjái juohke beaivve, 2) eará ovttaskas olbmot badjel 16 jagi geat mákset miellahttuvuođa muhtimii suohkana valáštallanservviin. Maiddái 13-15 jahkásaš nuorat sáhttet atnit hárjehallanlanja jus váhnemat leat čálalaččat miehtan dasa sierra skovi bokte ja jus hárjehallanlanjas leat unnimusat guokte olbmo.

 

Juohke valáštallansearvi suohkanis oažžu 10 koda-čoavdaga maiguin beassá Kåfjordhallenii. Lea valáštallanservviid iežaset ovddasvástádus juohkit/luoikat daid siskkáldasat iežaset searvvis ja atnit daid áimmuin, muhto searvvit sáhttet oažžut eanet koda-čoavdagiid jus čájehuvvo ahte lea dárbbašlaš.

 

Buot geavaheaddjit fertejit deavdit iešjulggašteami skovi. Dat dahkko elektrovnnalaččat, ja vuolláičállojuvvo/signerejuvvo elektrovnnalaččat. Buohkat geat háliidit atnit gievrudanlanja fertejit čállit deike post@kafjord.kommune.no ja merket e-poastta: egenerklæring Kåfjordhallen. E-poasttas galget leat dát dieđut su birra gii áigu atnit hárjehallanlanja: namma, ahki, adreassa, telefonnummar ja valáštallansearvi. De oažžu elektrovnnalaš reivve, man ferte rahpat, ja dasto vuolláičállit elektrovnnalaččat. Dasto oažžu suohkan dán vuolláičállojuvvon reivve. Valáštallansearvi ii sáhte luoikat koda-čoavdaga olbmuide geat eai leat deavdán dán skovi!

 

13-15 jahkásaš nuoraide guoská seamma prinsihppa váhnemiid miehtama skovi hárrái. Váhnen/fuolaheaddji ferte vuos čállit deike post@kafjord.kommune.no ja merket e-poastta: Foreldresamtykke Kåfjordhallen. E-poasttas galgá boahtit ovdan geasa miehtan guoská ja čuovvovaš dieđut: nuora namma, nuora riegádanbeaivi, adreassa, nuora telefonnummar ja e-poasta, ja váhnema/fuolaheaddji namma. De sáddejuvvo váhnenmiehtanskovvi, man váhnen/fuolaheaddji ferte rahpat, ja dasto vuolláičállit/signeret elektrovnnalaččat. Easkka de beassá nuorra boahtit givrodathárjehallanlatnjii. Valáštallansearvvit eai sáhte luoikat koda-čoavdaga nuoraide jus váhnemat/fuolaheaddjit eai leat deavdán ja signeren skovi.   

 

Mii muittuhit ahte organiserejuvvon hárjehallan manná álo earáid ovdalii. Dat mearkkaša ahte ovttaskas olbmot, ležžet dál suohkanbargit dahje valáštallanservviid miellahtut, ožžot atnit gievrudanlanja dušše dalle go doppe ii leat organiserejuvvon hárjehallan.

Valáštallansearvvit fertejit ohcat hárjehallanáiggiid seamma ládje go muđui ohcet áiggi Kåfjordhallenii, ja sihke hálla ja givrodathárjehallanlanja juolluduvvon áiggiid diibmoplána almmuhuvvo ovdal golggotmánu 1. beaivvi Gáivuona suohkana ruovttusiidduin. Geahča dáppe eanet: https://www.kafjord.kommune.no/treningstider-i-kaafjordhallen-for-2021.6361286-433741.html 

 

Kåfjordhallena givrodathárjehallanlanja atnima ođđa njuolggadusat 01.10.2021 rájes:

1. Valáštallansearvvit ja organisašuvnnat mat lágidit fysalaš aktivitehtaid Gáivuonas sáhttet ohcat hárjehallanáiggiid givrodathárjehallanlanjas. Givrodathárjehallan servviid/joavkkuid olis galgá vuoruhuvvot ovdalii ovttaskas olbmuid ja organiserekeahtes hárjehallama.   

2. Hárjehallanáiggit givrodathárjehallanlanjas sáhttet ohccojuvvot seamma ládje go muđui ohcá hállas áiggi. Geahča suohkana ruovttusiiddus sierra njuolggadusaid hárjehallanáiggiid ohcamii hállas.   

3. Gáivuona suohkan sáhttá ieš mearridit hárjehallandivadiid lanja geavaheamis. Seamma  ládje sáhttet valáštallansearvvit ieža mearridit hárjehallandivadiid iežaset miellahtuide.  

4. Gievrudanhárjehallanlanja geavaheami ahkemearri lea 16 jagi, muhto 13-15 jahkásaš nuorat sáhttet čuldojuvvot dien mearrádusas jus leat unnimusat guokte olbmo hárjehallanlanjas ja jus sis lea váhnema/fuolaheaddji vuolláičála dasa ahte son oažžu hárjehallat givrodathárjehallanlanjas.   

5. Ovttaskas olbmot sáhttet, jus leat miellahttun suohkanii gullii valáštallansearvvis ja mákset vejolaš hárjehallandivada, hárjehallat givrodathárjehallanlanjas dalle go doppe ii leat organiserejuvvon hárjehallan mii lea almmuhuvvon diibmoplánas.    

6. Suohkanbargit sáhttet hárjehallat doppe diibmu 17 rádjái.  

7. Givrodathárjehallanlanjas ii leat bearráigeahčču, ja danne lea buot hárjehallan juohkehačča iežas ovddasvástádus. Gáivuona suohkanis ii leat makkárge ovddasvástádus rusttegiid boasttugeavaheami oktavuođas, dahje vahágiid/bárttiid dáfus mat sáhttet geavvat rusttegiid geavaheami oktavuođas.  

8. Buot geavaheddjiin lea ovddasvástádus oahppat hárjehallanrusttegiid geavaheami, ja fertejit dohkkehit 7. čuoggá dan bokte ahte vuolláičállet/signerejit geavaheaddjesoahpamuša (iešjulggaštusa). 13-15 jahkásaš nuorat fertejit dasa lassin háhkat váhnemis/fuolaheaddjis vuolláičállojuvvon/signerejuvvon mieđihanskovi, gč. 4. čuoggá.    

9. Geavahansoahpamuš lea persovnnalaš ja dan ii sáhte addit earáide. Galgá dieđihuvvot suohkana bálvaluskantuvrii jus givrodathárjehallanlanja geavahit dakkárat geat eai leat vuolláičállán/signeren geavahansoahpamuša.    

10. Váldde vuhtii eará geavaheddjiid – ane sihkaldaga go hárjehalat. Go leat geargan de galggat buhtistit hárjehallanrusttegiid desinfiserenávdnasiin ja báhpiriin. 

11. Givrodathárjehallanlanjas ii leat lohpi atnit olgoskuovaid.   

12. Geavaheaddjit galget doallat lanja čorgadin. Rusttegiid galgá bidjat sadjái go lea geargan.   

13. Suohkanis ii leat ovddasvástádus persovnnalaš árvodávviriid dahje eará biergasiid hárrái. 

14. Vistti eaiggát fuolaha áigges áigái bearráigeahču máŧasdoallama ja divodemiid hárrái. Suohkan bearráigeahččá maiddái hárjehallanrusttegiid ja lanjaid ortnegis doallamii ja buhtisteapmái. 

15. Váilevuođat dieđihuvvojit viessohoaiddárii dahje vistti hálddašeaddjái.  

16. Buohkat geat atnet givrodathárjehallanlanja leat geatnegasat diehtit ja čuovvut daid njuolggadusaid mat áigges áigái gustojit lanja geavaheapmái.  

 

Tennisball

2022 speallanruđaid birra – ohcanáigi lahkona!

2022 speallanruđaid birra – ohcanáigi lahkona!

Áigemearri ohcat doarjaga valástallama ja fysalaš doaimmaid rusttegiidda 2022 lea dál rahppojuvvon. Jahkásaš áigemearri sáddet suohkanii ohcamuša lea golggotmánu 15. beaivi.  Dat máksá ahte jus du searvvis/joavkkus lea jurdda ohcat speallanruđaid 2022:s, de gánnáha farggamusat gulahallat suohkana speallanruđaid áššemeannudeddjiin,  Kjersti Rennestraum. Su gávdná telefonnummáris 77719252 dahje e-poastta bokte kjersti.rennestraum@kafjord.kommune.no

Ohcan sáddejuvvo elektrovnnalaččat. Ohcanskovi gávnnat dáppe: https://www.anleggsregisteret.no/anlegg-for-idrett-og-fysisk-aktivitet/send-inn-soknad/

Buohkat geat áigot ohcat speallanruđaid ávžžuhuvvojit dárkilit lohkat dán ceahkkálas čilgehusa ohcanproseassa birra: https://www.anleggsregisteret.no/anlegg-for-idrett-og-fysisk-aktivitet/soknadsprosess/

Fuomáš čuovvovaš rievdadusaid 2021 rájes njuolggadusain doarjaga birra valáštallama ja fysalaš aktivitehta rusttegiidda:

  • Čuovgarusttegat: Ovdal galggai gollat 20 jagi ovdal go sáhttá ohcat speallanruđaid čuovgarusttegiid ođasmahttimii/divodeapmái. Dat lea dál rievdaduvvon 10 jahkái ja dat mearkkaša ahte sáhttá ohcat doarjaga lonuhit LED čuovggaide goanstarássešiljuin mat leat ásahuvvon ovdal 2012.
  • Molssodanlanjat ja lassielemeanttat: Unnit muddemat.
  • Aktivitehtapárka. Ođđa rusttetmálle váldon mielde.
  • Spábbačiekčanrusttegat: Spiehkasteapmi gitta 10 % standárdamihtuin ii čuoza doarjagii. Ferte duođaštuvvot.
  • Granulat: Golut gummigranulata háddjaneami eastadeapmái sáhttet leat oassin doarjjaohcamis ođđa šiljuid ásaheapmái dahje boares šiljuid divodeapmái. Ii sáhte ohccojuvvot doarjja dušše doaibmabijuid čađaheapmái.
  • Valáštallan- ja servicevisti: Muhtimat ožžon eanet cehkiid dan mielde man stuorrát iešguđetge funkšuvnnat visttis leat.
  • Bálgát/mátkeluottat: Čilgehusat leat rievdaduvvon ja lea ođđa mielddus.

Muitte: Lea ohcci ovddasvástádus diehtit gustovaš mearrádusaid. Váldde oktavuođa suohkaniin jus dárbbašat veahki.

Gáivuona suohkan sádde oktanis Fylkkasuohkanii buot mearrádusaid ja vuoruhemiid ovdal ođđajagemánu 15. beaivvi 2022.

Kulturprisen 2021

Kulturbálkkašumi 2021

 

Gáivuona suohkan dieđiha dákko bokte ahte kulturbálkkašupmi 2021 dál almmahuvvo.Bálkkašumi sáhttá juohkit servviide/organisašuvnnaide dahje badjel 16-jahkásas olbmuide geat barget Gáivuonas viiddiduvvon kulturdoahpaga siskkobealde.

Bálkkašumi sáhttá juohkit aktiiva falástalliide, hárjeheddjiide, jođiheddjiide dahje organistatorii geat leat bargan earenoamáš bures Gáivuona kultureallimis.

Buot ássiin lea evttohanriekti. Evttohusaid oktan ákkaiguin galgá sáddet deike: post@kafjord.kommune.no ovdal mánnodaga 18.10.2021 ja merkejuvvo: Kulturprisen 2021.

Eanet dieđuid juohkineavttuid ja Kulturbálkkašumi 2021 birra gávnnat dáppe: www.kafjord.kommune.no dahje jus válddát oktavuođa kulturkonsuleanttain Kjersti Rennestraumiin, tel. 77 71 92 52 dahje e-poastta bokte: kjersti.rennestraum@kafjord.kommune.no

Giella Norsk - NorwegianGiella Sami - Samisk