Hopp til hovedmenyen på siden Hopp til hovedinnholdet på siden
error_outline
25. juni kl. 14:52

Dieđut Gáivuona suohkana buhcciide dearvvasvuođabálvalusas ja lagaš olbmuide.

 

Geahča informašuvdnačállosa mii maid sisttisdoallá prosedyraid dearvvasvuođasiidda gussiide.

Les mer clear

Dieđut dán jagáš kulturruđaid juolludemiid birra

Nu go lea mearriduvvon Gáivuona suohkana kulturruđaid juolludandokumeanttas, de galget ohcamušat meannuduvvot hálddahuslaččat maŋimustá geassemánu 30.b. Kulturkantuvra oaččui giđđat ja giđđageasi olu dieđuid joavkkuin/ servviin ahte fertejedje maŋidit jáhkke- ja stivrračoahkkimiid koronapandemiija- ja njoammunsuodjalusa njuolggadusaid geažil. Mii bures ipmirdit ahte dárbbašlaš mildosiid sáddemat nu go bušeahtat, jahkedieđáhusat doaibmaplánat jna. leat maŋŋonan.

Dan dihte dieđihuvvo dál ahte dán jagáš kulturruđat eai boađe juolluduvvot ovdal go buot joavkkut/ searvvit mat leat dieđihan ahte sáddejit maŋŋel mildosiid, leat dahkan dan. Ruđat juolluduvvot geasi maŋŋel.

Jus du joavku/ searvi lea vajálduhttán sáddet dán jagáš mildosiid (bušeahtaid, jahkedieđáhusaid, doaibmaplánaid, revišuvdnaraporttaid jna.), de lea vejolaš daid sáddet maŋimustá geassemánu 30.b.

Dieđut dán jagi “Ut i nord” tuvrraid birra.

152 tuvrrat Návuonas, Ráissas, Gáivuonas ja Skiervvás.

Fargga álgá ođđa “Ut i nord” áigodat. Miessemánu 15.b. rahppojit máŋga Davvi Romssa tuvrrahasaid tuvrrat https://friluftsraad.utinord.no/ siiddus. Tuvrrat leat iešguđetge guhkkodagain ja dásiin.

2020 rahppama ektui bohtet mis lassedieđut:Koronadilálašvuođa geažil eai boađe gavdnot tuvrragirjjit dan jagi, sivvan dasa lea eastadit koronavirusnjoamu.Poastakássain bohtet leat liibmamearkkat main leat kodat (gč. govaid)

Dán jagi bohtet almmuhuvvot “vurdojuvvon rahpanbeaivvit” iešguđetge tuvrrain mii mearkkaša ahte muhton tuvrrat soitet rahppojuvvot ovdal vurdojuvvon rahpanbeivviid. Jus muohttaga- dahje uđasvára geažil eai rahppojuvvo tuvrrat áiggil, de almmuhuvvot dieđut daid birra.

Mii illidit ođđa áigodahkii mas leat olu ođđa tuvrrat visot suohkaniin. Ollu giitu buot eaktodáhtolaččaide geat barget buori ja dehálaš barggu merket tuvrraid, doalvut kodaid ja láhčit dili earáide nu ahte lea vejolaš návddašit eallima olgun min lagasbirrasiin.

Giella Norsk - NorwegianGiella Sami - Samisk