Suohkan gáibida ohcamiid goaivumiidda ja doaimmaide jus galgá goaivut lagabui suohkana infrastruktuvrra go 4 mehtera. Dát guoská suohkana geainnuide/geaidnočuovggaide, suohkana čáhce- ja duolvačáhcejohtasiidda ja eará suohkana opmodagaide. Suohkan ávžžuha maiddái ohcat goaivunlobi jus galgá goivojuvvot čiekŋaleabbo go 60 cm, ja muittuha ahte eará fitnodagain sáhttet leat eará gáibádusat. Jus galgá laktásit suohkana čáhce- ja/dahje duolvačáhcejohtolahkii, de gáibiduvvo almmatge goaivunlobi ohcan.
Liŋka gravemeldingsportalen nammasaš neahttasiidui: Gravemelding og kabelpåvisning - Geomatikk.no
Goaivunlobi ohcamuša ferte sáddet suohkanii buori áiggis ovdal go álgá goaivut (unnimusat 5 bargobeaivvi ovdal), ja ferte vuordit ahte ohcamuša meannudeapmi sáhttá ádjánit veahá. Heahtedáhpáhusat galget meannuduvvot dađistaga.
Jagi 2024 áššemeannudeami divat lea 703 r. buot goaivunlobi ohcamušaid ovddas.
Rogganbáiki galgá leat merkejuvvon kártii goaivunlobi ohcamušain ja galgá biddjojuvvot mielddusin, ja ovddasvástideaddji ohcci galgá maiddai boahtit ovdan. Ohcamušat mat eai leat ollislaččat eai sáhte meannuduvvot.
Liŋka digitála ohcanskovvái: Arbeids-/gravetillatelse og leieavtale i offentlig vei og grunn (KF-324)
Suohkan maiddái geavaha sierra skovi mas leat dieđut ovddasvástádusa ja gáibádusaid birra earret eará jus galgá goivojuvvot suohkana geainnuin, kulturmuitogáibádusaid birra jnv. Liŋka ohcamuššii gávdno dás: Gravemeldingsskjema 2024.pdf
Go galgá goaivut čáhce- ja duolvačáhcejohtasiid, de gáibiduvvo ahte doaimmaheaddji fitnodateaiggádis galgá leat ADK1 duođaštus, vrd. Dábálaš diŋgojumi eavttut (Dohkkehuvvon 24.05.2011 Gáivuona suohkanstivrras)
Jus mihkkege lea eahpečielggas, de sáhtát váldit oktavuođa suohkaniin oažžun dihte bagadusa.
