Siidaveahkkebálvalussii don oaččut aktavuođa go riŋget siidaveahkkebálvalusa jođiheaddjái, geasa nummar lea          777 19 302, dahje čálát e-poastta dása: linn.sylvi.steinnes@kafjord.kommune.no  Sii geat erenoamážit dárbbašit bargoveahki siiddas dávdda, doaibmavádjitvuođa, boarisvuođa dahje iežá sivaid geažil, sáhttet ohcat veahki (olbmo gii veahkeha siiddas). Siidaveahkkebálvalus galgá siiddas veahkehit olbmo geavatlaš siidabargguin ja lágidit olbmui vejolašvuođa siiddastis okto birget buoremus lági mielde, almmá nuppiid veahki haga, ja áiddastit dili baháneames.

Eavttut
Veahkki lágiduvvo dan mielde govt mii árvvoštallat guđege olbmo dili, ja olbmo dárbbuid mii čađat geahčadit. Vuođđun mii atnit dárbbašeaddji olbmo dili ja geahčadit man muddui son ieš birge. Siidaveahkkebálvalus váldá dutnje aktavuođa ja soahpá duinna goas heive du geahčai boahtit.

Láhkavuođđu
Láhka mii gieđahallá suohkanlaš dearvvasvuođa ja fuollabálvalusaid § 3-1 vuosttamuš lađas ja § 3-2 vuosttamuš lađas nr. 6 bustávva b, buohtastahte Lágain mii gieđahallá buohcci- ja geavaheaddjivuoigatvuođaid § 2-1a.

Áššemannudeapmi
Don sáhtát divššu ja fuollabálvalusaid skoviin ohcat alccesat siidabálvalusaid. Skovi don gávnnat dás, dahje dan sáddejit dutnje jos aktavuođa siidabálvalusa jođiheaddjái, guhte lea: Linn Sylvi Steinnes, tlf 777 19 302. Jos nu siđat, det sáhttit maid veahkehit du dan deavdit.

Váidalus
Mearrádusa lea vejolaš váidalit. Váidalusa don berret ákkastallat ja hábmet čálusin maid sáddet dása: post@kafjord.kommune.no, dahje Gáivuona suohkanii. Dikšu ja fuolla, adr: Pb 74, 9148 Dálusvággi. Dan rájis go oaččut diehtit mearrádusa, de don fertet, jos dasa it duđá, váidalit ovdalgo 3 vahku lea vássán. Jos du váidalussii ii mieđihuvvo, de du ášši sáddejuvvo Fylkkamánnii, guhte loahpalaččat mearrida, gč. Pasienttaid ja geavaheddjiid vuoigatvuođaid láhka § 7-2.