Mii lea álbmotdearvvašvuođabargu
Álbmotdearvvašvuođabargu lea servodaga rahčamuš váikkuhit beliid mat ovddidit álbmoga dearvvašvuođa ja loaktima, ja eastadit psyhkalaš ja somáhtalaš buozalmasvuođa, bárttiid ja gillámušaid.

Mearkkaša ahte álbmotdearvvašvuođabargu galgá eastadit ahte olbmot buohccájit dahje bártidit dahje gillájit. Bargu galgá doalahit álbmoga dearvvašvuođadili ja hehttet áhte dat hedjona. Seammás galgá nannet ja ovddidit olbmuid dearvvašvuođa, Ja dáinna vugiin sáhttá dearvvašvuohta leat positiiva resursa jus olbmos leat smávit beaivválaš hástalusat.

Álbmotdearvvašvuođabargu lea;

  • Ásahit buriid birrasiid, mat ovddidit álbmoga dearvvašvuođa ja loaktima ja movttiidahttet álbmoga buoridit eallinárvvu. Go dovdá gullevašvuođa báikái, loaktá ja lea sosiála fierpmádat, birge olmmoš álkibut eallimis.

Bajásšaddaneavttut, oahppu, sisaboahtu, orohat, bargu, bargobiras ja sosiála doarjja leat mávssolaččat álbmoga dearvvašvuhtii.

  • Makkár dearvvašvuođadoaimmat leat Gáivuona suohkanis?

 

- Kulturskole / Kåfjord META - Astoáiggeklubba mánáide ja nuoraide

- Hárjehallan 65+ fálaldat Gáivuonhállas

 - Ut i Nord mátkkit -> lagas ja buorre ovttasbargu Nord – Troms Friluftsrådain.

- Ovttasbargu falástallanservviiguin ja servviiguin.

Álbmotdearvvašvuođaláhka

  • Álbmotdearvvašvuođalága ulbmil lea veahkehit servodatovdáneapmi nu ahte ovddida álbmotdearvvašvuođa, dása gullá maiddái dássádahttit sosiála dearvvášvuođaerohusaid.
  • Láhka galgá sihkkarastit ahte suohkanat, fylkkasuohkanat ja stádalaš dearvvašvuođaeiseválddit álggahit doaimmaid ja ovttastahttet sin álbmotdearvvašvuođadoaimmaid dohkálaččat.  https://lovdata.no/dokument/NL/lov/2011-06-24-29

 

Figur av folkehelse
Figur av folkehelse