Álggahit fitnodaga

Altinn - Starte og drive bedrift (Álggahit ja doaimmahit fitnodaga)

Brønnøysundregistrene - Hva du må gjøre før oppstart (Maid fertet dahkat ovdal go álggát)

Innovasjon Norge - Oppstart av bedrift (Fitnodaga ásaheapmi)

Vivien Olsen, ealáhuskonsuleanta
Tel: 77 71 92 58
vivien.olsen@kafjord.kommune.no

Fitnodatráđđeaddi Halti næringshage

Neahttasiidu: https://haltinh.no/

Gulahallan: https://haltinh.no/kontakt-oss/

Halti Næringshage fállá fitnodatálggahankurssa. Kursadoallin leat sihke fitnodatovddideaddjit geat barget Halti næringshages ja sin ovttasbargoguoimmit. Kurssat almmuhuvvojit áigges áigái sin ruovttusiiddus ja sin Facebook bokte.

Fitnodatplána lea stivrenreaidu mii veahkeha du dahkat rievttes doaimmaid nu ahte lihkostuvat iežat fitnodagain. Fitnodatplána addá dutnje ollislaš gova das maid fitnodat áigu fállat, geat leat oastit ja makkár resurssaid don dárbbašat vai sáhtát álggahit. Bures ráhkaduvvon fitnodatplána buorida vejolašvuođa lihkostuvvat fitnodaga ásahemiin, ja das maid boahtá ovdan makkár riskkat sáhttet deaividit.

Álkimus vuohki álggahit fitnodatplána lea ahte don vuos ráhkadat fitnodatmodealla. Fitnodatmodealla veahkeha du visualiseret iežat fitnodatáigumuša sihke alccet ja earáide. Innovasjon Norge fállá nuvttá minikurssa fitnodatmodelleremis. Kursa lea digitála ja dainna ádjána 1-2 diimmu. Don stivret ieš dan čađaheami.

Loga dás eambbo dan birra movt galgá fitnodatmodealla ráhkadit.

Registrere iežat searvat fitnodatmodellerema minikursii.

Viečča Innovasjon Norge fitnodatmodealla málle (PowerPoint-dokument).

Viečča Altinn.no fitnodatplána disposišuvnna (Word-dokument)

Gáivuona suohkan háliida veahkehit ealáhusdoaimmaid positiiva ja ulbmillaš ovdáneami guvlui. Ođđa álggaheaddjin dahje ovdalaš fitnodaga badjelasát váldima oktavuođas sáhtát ohcat álggahanstipeandda. Stipeanda addojuvvo registrerejuvvon fitnodaga vuođul ja fitnodatáigumuša oanehis ja buori čilgehusa vuođul.

Vuosttaš geardde álggaheaddjit vuoruhuvvojit ovdalii earáid. Dán joavkkus vuoruhuvvojit nuorra ja nisson álggaheaddjit ovdalii eará ohcciid.

Movt ohca álggahanstipeandda?

1. Deavdde ja sádde skovi: «Jeg ønsker å etablere bedrift», ja de váldá ealáhuskonsuleanta duinna oktavuođa. Fertet leat ságastallan Gáivuona suohkaniin/ealáhuskonsuleanttain ovdal go sáhtát sáddet ealáhusstipeandda ohcama.  
2. Ohcci galgá ieš sáddet sisa ohcama. Go áiggut ohcat, de mana deike regionaforvaltning.no ja registrere iežat geavaheaddjin.

• Deaddel «støtteordninger»
• Merke «Troms og Finnmark»
• Čále ohcansadjái «kåfjord».
• De rahpasit doarjjaortnegat maid Gáivuona suohkan fállá.
• Deaddel «Kommunalt næringsfond» go áiggut ohcat álggahanstipeandda.

3. Deavdde ohcama ja sádde sisa. Bures čilgejuvvon fitnodatáigumuš álkidahttá áššemeannudeami. Jus vel sáddet fitnodatmodealla, de lea dat ovdamunnin.