Galggat leat várrogas ja ane jierpmi go cahkkehat dola olgun. Álo ferte muhtin, geas lea ovddasvástádus. Ovddasvástideaddji bearráigeahččá dola nu ahte ii leat várálaš ja lea suohkana njuolggadusaid ektui.
Primus ja vuoššanapparáhtta
Don sáhtát atnit primusa ja vuoššanapparáhtaid áigodagas go ii leat lohpi cahkkehit dola, muhto lea du ovddasvástádus leat várrogas ja árvvoštallat goas lea oadjebas atnit daid.
Vaikko lea ge obbalaš dolastangielddus, sáhtát cahkkehit dola jus čielggas ahte ii buollá. Jus omd. lea muohta dahje lea arván guhká, sáhtát dolastit. Mearragáttis sáhtát grillet jus leat guhkkin eret vuovddis ja šattuin, ja maiddái dolla- ja grillensajiin, maid suohkan lea dohkkehan.
Muitte iskat makkár njuolggadusat leat fámus suohkanis ovdal go cahkkehat dola.
