Háhkannjuolggadusat - 2014-2018 - Oassi 1

Háhkannjuolggadusat - 2014-2018 - Oassi 2

Jagi 2010 Háhkanrutiinnat

Doaibmasuorgi

Dát njuolggadusat gustojit buot Suohkana ovttadagaide. Njuolggadusat gustojit gálvosoahpamušaide, bálvalussoahpamušaide (dáid vuolde maiddái konsuleantabálvalusaide), ja velá háhkamiidda mat gullet huksehusaide ja rusttegiidda. Buohkat geat leat mielde oastimin juoidá suohkanii, leat geatnegasat oahppašuvvat njuolggadusaide ja čuovvut daid. 

Njuolggadusaid ulbmil lea mearridit Suohkana sisaoastinpolitihka nu, ahte suohkanis lea oktasaš meannudanvuohki lágideddjiiguin, ja ahte lágideaddjit gieđahallojuvvojit seammaláhkai beroškeahttá guđe ovttadat dat lea mii háhká gálvvuid dahje bálvalusaid. Njuolggadusat galget maiddái váfistit, ahte suohkan atná oktasaš rámmasoahpamušaid/oktasašoastimiid bokte ávkki govttolaš eavttuin maid stuorra oastimat/soahpamušat addet. Njuolggadusat galget maiddái váfistit, ahte lea duohta gilvu lágidemiid alde suohkanii, ja ahte prinsihppa gilvvu birra mas leat ovttalágan eavttut čuvvojuvvo buot berošteaddji lágideddjiid buohta. Lassin galget njuolggadusat váfistit, ahte sisoastimat dahkkojuvvojit gustojeaddji lágaid ja láhkaásahusaid mielde. Njuolggadusat galget nu guhkás go vejolaš vásfistit, ahte suohkana sisaoastimat áimmahuššet birrasa suvdinnávccalaš vuogi mielde.