Hopp til toppmenyen på siden Hopp til hovedinnholdet på siden
Vállje giela: Bokmål Samisk
1. desember:

Diehtu Noammervákki čáhcedoaimmahaga birra

Noammervákki priváhta čáhcedoaimmahat heaittihuvvo vahku 48 rájes. loga eanet

KåfjordMeta

Discord-server KåfjordMeta Online lea digitála gávnnadanbáiki 13-19 jahkásaš nuoraide geat leat eret dahje geat ásset Gáivuonas! Siiddu áimmahuššet Gáivuona suohkana bargit ja soames báikkálaš áŋgiris nuorat. 

Prošeavtta mihttomearri
KåfjordMeta Online lea digitála gávnnadanbáiki datakultuvrra, e-valáštallama ja eará astoáiggeberoštumiid váste.

Geográfalaš dilálašvuođat dahket ahte nuoraide ja nuoraidjoavkkuide lea váttis gávnnadit dáppe suohkanis. Digitála gávnnadanbáikkis eai leat diet hehttehusat, go fálaldat lea neahta bokte ja danne olámuttos vaikko gos Gáivuonas orožat. Prošeavtta váldo mihttomearri lea ásahit sosiála lávddi mii eastada aktovuođa ja olggobeallái gártama, dat hukse oktavuođaid giliid gaskka ja čohkke nuoraid geain leat oktasaš beroštumit.

Vai nagodit duohtandahkat dán, háliidit mii ahte nuorat ieža servet hábmemii nu ahte fálaldagat áigges áigái leat olámuttos ja relevánttat sidjiide. Mii váldit mielas vuostá oaiviliid ja árvalusaid dasa movt mii sáhttit ain ovdánit.

 Duogáš
Dievaslaš nuoraidbargu gáibida dál ahte lea searvvis neahta bokte. Raportta Barn og medier (mánát ja mediat) (2020) mielde spellet  86 % 9-18 jahkásaččain dataspealuid: 96 % bártniin ja  76 % nieiddain. Badjel gávcci logi 13-18 jahkásaččain geat atnet sosiála mediaid gulahallat olu iežaset ustibiiguin dáid lávddiid bokte, ja ulbmiljoavkkus leat dađistaga eanebut geat atnet Discord. Danne lea Discord válljejuvvon dien ovdáneami dustet.

Prošeavtta vuođđun lea ráđđehusa Dataspillstrategi 2020-2022, mas suohkanat ja earát ávžžuhuvvojit lágidit gávnnadanbáikkiid nuoraide geat beroštit datakultuvrras.

Prošeakta atná raportta Møteplass datakultur (2020) bagadussan, go das čilgejuvvo guđet prinsihpat dakkár fálaldagaid berrejit stivret, ja movt ii-kommersiála bealálaččat sáhttet čađahit ja lágidit gávnnadanbáikkiid datakultuvrii ja maidda vuođđun leat nuoraid iežaset sávaldagat ja dárbbut.

Mii ovttasbargat Ung Kultur Norge, KRED (e-valáštallama ja datakultuvrra gelbbolašvuođa- ja resursaguovddážiin), Spillpedagogaiguin, speallanovdáneami fágaskuvllain Ráissas ja Bibliogames doaimmahagain.

Gávnnadanbáikki birra
Juste seamma ládje go dábálaš nuoraidklubba leat maiddái online-variánttas iešguđet lanjat gos nuorat sáhttet deaivvadit ságastallat, gamet, musihkka guldalit, filmmaid geahččat ja eará kreatiiva doaimmaide searvat. Čoahkkananbáikki olis lágiduvvojit maid áigges áigái ráidogilvvohallamat, gilvvut, workshops ja kurssat. Dáppe leat álki gávnnadit ustibiiguin, ovttas searvat doaimmaide ja hukset ođđa relašuvnnaid.

Muhtin áŋgiris nuorra moderáhtorat leat mielde hálddašeame gávnnadanbáikki, sii veahkehit miellahtuid, hástet ođđa nuoraid fárrui ja fuolahit ahte buohkain leat buorit vásáhusat doppe.

 Persovdnasuodjalus
Mii háliidit ahte gávnnadanbáiki galggašii hásttuhit sosiála searvamii ja ovdáneapmái, ja seammás lea dorvvolaš ja searvadahtti arena min nuoraide. Danne lea server gitta, muhto rahppojuvvo daid nuoraide geat ohcet registrerema.

Dieđuid dan birra geat leat miellahtut ožžot dušše prošeavtta bargit ja guoskevaš miellahtuid fuolaheaddjit, ja dat eai adno masage earái go hálddašit KåfjordMeta Online miellahtuid. Jus muhtin ii šat háliit leat miellahttu, de sáhttá sihtat sihkkut iežas persovdnadieđuid miellahttolisttus.

Gažaldagaid prošeavtta  birra dahje ohcama beassat serverii sáddet deike: 

Frank Haugseth
frank.haugseth@kafjord.kommune.no

 

discord store

Aktuelt

Minecraft Facebook Event

Minecraft byggekonkurranse 2

Er du en byggmester i Minecraft? Har du noen ideer om hvordan man kunne økt trivselen blant barn og unge i Kåfjord? - bygg ideen din i Minecraft og ...
Giella Norsk - NorwegianGiella Sami - Samisk