Skuvla lea 2021/2022 skuvlajagis 63 oahppi juhkkojuvvon 10 luohkkáceahkkái. Oahppit leat eret Čietŋjalluovttas, Dáččavákkis, Dálusvákkis, Noammervákkis, Junttanjárggas, Gáivuonvákkis, Ruollaluovttas ja Biertaváris. 

Dálusvákki skuvllas leat 1.–10. ceahkit ja SAÁO. Skuvllas lea aktiivvalaš ja áŋgiris ohppiidráđđi, ja oallugat min ohppiin leat mielde nuoraidráđis. Skuvllas lea maid aktiivvalaš FAU, ja ovttasbargu skuvlla ja ruovttuid gaskka lea dehálaš oassi skuvlla barggus.

Skuvlajagi 2022/2023 lea skuvlla áŋgiruššansuorgi sihke álggaheddjiidoahpahus, rávisolbmorolla ja fágaođasmahttin. Skuvla bargá maid aktiivvalaččat eastadeaddji oahppanbirrasiin ja loaktimiin, ja oahppit 10. luohká rájes leat loaktinjođiheaddjit earáid ohppiide máŋgga friddjagoartilis vahkkus. Mii bargat čađat dainna ahte buoridit min ohppiid oahppanbirrasa ja oahppama, ja min luhtte fitná givssidanáittardeaddji jahkásaččat eastadeami dihte.

Skuvla lea maid máŋga jagi deattuhan lagasbirrasa ja olgoáibmoeallima, ja mis lea lagas ja buorre ovttasbargu olgoáibmoráđiin ja Ut i Nordain.

Dálusvákki skuvla lágida jahkásaččat leairaskuvlla ja skábmaprošeavttaid buot ohppiide. Skuvllas lea maid báikkálašguovdilastojuvvon vahkku ja riikkaidgaskasaš vahkku juohke skuvlajagi. Nuoraidskuvllas besset oahppi válljet earret eará fágaid bargoeallinfága, sámegiela, spánskkagiela, duiskkagiela, luonddu, birrasa ja olgoáibmoeallima ja johtolatvuođđokurssa.

Skuvlajagiid 2021/2022 ja 2022/2023 ovttasbargá skuvla UiT:in, ja mis leat 6 práksisstudeantta mat bohtet oahpaheaddjeallaskuvllas práksisii 6 vahkku skuvlajagi mielde. Mis leat maid oahpahallit ja eará práksisoahppit skuvllas.