Gait suohkana diehtojuohkin galgá leahtit sihke dáro- ja sámegillii. Heivehit suohkana bargiide vejolašvuohta lohkat sámegiela bálkkáin. Sámegiela gálga boahtit ovdan máŋggalágan doaimmain, earret eará galbemiin sihke dáro- ja sámegillii. Juohkehaččas lea vuoigatvuohta oažžut ovttaskas girkobálvalusaid sámegillii Norgga girku searvegottiin, ja dat geat nu sihtet, galget oažžut dearvvasvuođa- ja sosiálabálvalusaid sámegillii.
Gáivuona suohkanstivrra lea mearridan ođđa Gáivuona suohkana sámegiela ja kultuvrra ollislaš plána 2023 - 2026 10.11.2022, áššis 89/22. Plána leat bajimus gaskaoapmevuogádat Gáivuona suohkanis. Plána ulbmil leat nannet ja buoridit fálaldagaid mii guoská sámi giela ja kultuvrra ovdáneami buot doaibmabealit suohkanis. Nugo mánáidgárddis, skuvllas, dearvvašvuođas ja muđui hálddahusas. Gáivuona suohkan leat ráhkadan doaibmaplána jagiide 2023-2025, man vuolggasadji leat suohkana guovttegielalašplána. Raporta Sámediggái 2023.
Sámediggi juohká jahkásaš doarjaga hálddašanguovllu suohkaniidda, mas ulbmil lea čađahit Sámelága giellanjuolggadusaid, kap 3. Jagi 2012 rájes lea Sámediggi maiddái juolludan ovddidandoarjja suohkaniidda. Gáivuona suohkanis lea gaskaboddosaš ovttasbargošiehtadus Sámedikkiin guovttegielatvuođadoarjaga geavaheami birra 2018 rájes.
Sámegiela seailluheami ja nannema oassin álggahii Gáivuona suohkanstivra sámi giela árvvoštallama Gáivuona suohkanis. Árvvoštallan galggai fátmmastit doaibmasurggiid (i) suohkanlaš hálddaheami, (ii) bajásšaddama – mánáidgárddi ja skuvlla ja (iii) dearvvašvuođa ja fuolaheami. Bargu juolluduvvui Visjona AS fitnodahkii. Bargu álggahuvvui guovvamánus 2020, ja loahpahuvvui nu ahte suohkanstivra dohkkehii árvvoštallanraportta 07.12.2020. Árvvoštallanraportta gávnnat dáppe. Geavaheaddjiguorahallamiid gávnnat dáppe.
Sámi giela- ja kulturkonsuleanta
Sámi giella- ja kulturkonsuleanta galgá plánet ja álggahit sámegielalaš doaimmaid mat leat heivehuvvon/čadnojuvvon ovttasbargošiehtadusa mielde mii lea Sámedikkiin. Dán virgái gullet maid áššemeannudeapmi Sámepolitihkalaš lávdegoddái, hálddašeapmi ja bagadallan das mii guoská iežá doarjjaortnegiidda suohkanis mat lea oassi guovttegielatvuođadoarjaga ovddidanoasis.
Mii dáhttut, ahte álo go dii váldibehtet oktavuođa midjiide ohcamiid birra dahje áššiid jna. birra maid mii leat gieđahallame, de sáddejehket kopiija min e-postiige: post@kafjord.kommune.no, vai sáhttit buot áššáiguoskevaš dieđuid ja čállosiid rádjat arkiivii.
Doarjjaortnet
- Gáivuona suohkana sámegiela kursadoarjja.
- Sámegiela kursadoarjjaga ohcanskovvi. Doarjjaortnega ulbmil lea addit Gáivuona orruide ekonomalaš vejolašvuođa oahppat sámegiela. Váhnemat geain leat mánát mánáidgárddis ja vuođđoskuvllas vuoruhuvvojit.
- Doarjja sámegiela doaimmaide - searvvit, ovttastusat ja iežá joavkkut.
- Giellamovttiidahttinstipeanda njuolggadusat
- Giellamovttiidahttinstipeanda ohcanskovvi
- Stipeandannjoiggadusat alit ohppui. Ortnega viidodat: Mánáidgárdeoahpaddjeoahppu ja vuođđoskovlaoahppaheaddjeoahppu, buohccidivššároahppu, oahppu davvisámegielas bachelor-dásis.
Eará ordnet
Nuvttá sámegielat aviissa Ávvir diŋgojumi. Váldde oktavuođa: inger.marie.asli@kafjord.kommune.no
Liŋkkat
- Diehtojuohkin - sámegiel kurssaide ja ohppui
- Diehtojuohkin - Mánáidgárdefálaldat Gáivuona suohkanis
- Diehtojuohkin - Sámegiel oahpahus Gáivuona suohkanis
- Giellasiida
- Sámeláhka
- Sámediggi - giellaSámediggi – doarjagat ja stipeanddat
- Oahpa.no
- Gáisi - báikenamma
- Duhtavuođa- ja soabahankommišuvnna raporta
