Muhtomin soitet mii orrut dahje bargit ballat dahje vávjit ahte mánáin ja nuorain ii leat buorre dilli. Dus soaitá muhtumin leamen dovdu ahte ránnjá mánná lea rievdadan láhttema oanehis áiggis? Soaittát oaidnit ahte okta bárdnemánná mánáidgárddis orru álo leamen stoahkame akto? Soaittát oaidnit ahte okta du skuvlaoappás álo leat beare unnán biktasat ja orru galbmome? Unná servodagas nugo Gáivuonas soaitá leamen váttis dieđihit dakkár diliid birra. Ja soitet ihtit jearaldagat nugo geasa galggan addit dieđu? Maid galggan dadjat? Mot boahtá dát čuohcat munnje?
BFÁ Gáivuonas eat siđa “albmadeaddji-kultuvrra”, muhto “mánnái- buoremus kultuvrra”. BFÁ čađa háliidit ahte čeahpes fágabargit suohkanis galget veahkehit vel eanet suojehis mánáid ja nuoraid, ja dása heive min čuorvvussátni. Vai veahkehit, de ferte duostat oaidnit ja duostat dahkat juoidá, vaikko soaitá váldit feailla ja soaitá ipmirdan boastut dilis. Argumeanta dahkat juoidá jus ballá dahje vávjá ahte mánáin dahje nuorain ii leat buorre dilli sáhttá maid čájehit ahte jáhkii boastut, ja mii lea buorebut go dát? Jus ii jáhkkán boastut ahte mánás dahje nuoras ii lean buorre dilli, de lea veahkehan almmustahttit dán. Jus jáhkii riekta, de lea ulbmil álo buoridit máná ja nuora dili. Dása háliida earret eará veahkehit BFÁ Gáivuona čađa.
Maid sáhtát don dahkat?
Jus don gii orut Gáivuonas balat dahje vávjját ahte mánás dahje nuoras ii leat buorre dilli, de sáhtát váldit oktavuođa máná/nuora gulahallanoahpaheddjiin, rektoriin skuvllas, mánáidgárdejođiheddjiin, dearvvašvuođastašuvnnain, dahje eará jođiheddjiiguin suohkanis. Sáhtát maid anonyman hupmat mánáidsuodjalusain. Dalle oaččut rávvagiid galggašit go dieđihit ášši birra dahje it. Liŋkkas dás vuolábealde beasat lohkat eambbo proseassaid birra jus dieđihat mánáidsuodjalussii, ja maiddai iežat rivttiid birra, ovdánanvuogi jna; Deaddil dákko
Jus balat ahte muhtin vásiha veahkaválddi, de galggat váldit njuolga oktavuođa Politiijain 112 dahje mánáidsuodjalusbálvalusain (rabas dii 08:00 rájes gitta dii. 15:30 rádjai): 77 71 92 60 / Davvi-Romssa mánáidsuodjalusvákta (rabas dii. 15:30 rájes gitta dii. 08:00 rádjai): 41 70 61 40
