Suohkanváldodoavttir lea suohkana medisiidnafágalaš ráđđeaddi.

 

Mat leat suohkanváldodoaktára bargut?

Suohkanváldodoavttirdoaibma lea guovddáš ja mávssolaš bálvalus suohkana barggus máŋgga fágasuorggis. Suohkanlaš dearvvašvuođa –  ja ovdamorašbálvalusa lágas( Dearvvašvuođa ja ovdamorašláhka) daddjo § 5-5: “ Suohkanis galgá okta dahje eanet suohkandoaktára, geat čađahit dan barggu man láhka dahje bagadus bidjá. Suohkan sáhttá ovttasbargat iežá suohkaniin go virgáidit suohkandoaktára. Departemeantta ávžžuhusa vuođul, fertejit suohkandoaktárat oassálastit báikkálaš gádjunguovddážis. Suohkandoavttir galgá leat suohkana medisiidnafágalaš ráđđeaddi.

Oktavuođadieđut
Anita Monsen Pedersen 
Telefovdna: 77719320. 
E-poasta: anita.monsen.pedersen@kafjord.kommune.no

Servvodatmedisiinnalaš bargguid sáhttá juohkit viđa oassái:

  1. Njoammunsuodjalus

Suohkanváldodoavttir galgá diehtit ahte álbmogis lea dohkálaš suodjalus oažžut njoammu dávddaid, sihke dábálaš dilis ja jus duođalaš buozalmasvuođadilli čuožžila. Suohkanváldodoavttir galgá čuovvut ahte suohkanis lea áigeguovdilis ja dohkkehuvvon njoammunsuodjalusplána.

  1. Birasheivehuvvon dearvvašvuođasuddjen (BDS)

BDS:a lea viiddis ja sisttisdoallá ollu mii váikkuha álbmotdearvvašvuhtii. Earret eará sisttisdoallá suohkana ovddasvástádusa čuovvolit ahte fysalaš dilli mánáide ja nuoraide mánáidgárddiin ja skuvllain lea dohkálaš. Viidásit geatnegahttá suohkana muitit álbmotdearvvašvuođa go huksejit ja ráhkkanit boahtteáigái. Doaimmahusat, mat doaimmaset bokte sáhttet váikkuhit negatiivvalaččat álbmotdearvvašvuhtii, sáhttet gohčohallat guorahallat, njulget dili ja garraseamos ráŋggáštus sáhttá sáhkkohallat dahje šaddat giddet.

  1. Medisiidnafágalaš ráđđeaddin

Suohkanváldodoavttir galgá addit medisiidnafágalaš ráđiid politihkalaš ja hálddahuslaš jođiheddjiide suohkanis ja bálvalusfálliide iešguđet doaimmahusain suohkaniin. Sáhttet omd leat fágalaš ráđit suohkandirektørii jus muhtin lea váidalan doavttirbálvalusa dahje bagadallat ruovttudikšobálvalusa dilálašvuođain maid sii atnet hástaleaddjin.

4  Dearvvašvuođalaš ja sosiála gearggusvuohta

Suohkanis galget leat olu plánat mot dustet iešguđetlágán dáhpáhusaid omd stuorit ja unnit lihkohisvuođaid, atomavahágiid, njoammudiliid, roasuid ja sullasaččaid. Suohkanváldodoavttir galgá sihkkarastit ahte dearvvašvuođaperspektiiva lea doarvái oidnosis plánain.

  1. Doavttiriskan bákkolaš psykalaš dearvvašvuođasuddjenlága vuođul

Suohkanváldodoavttir sáhttá iežas árvvoštallama vuođul dahje jus iežá almmolaš eiseváldi dahje jus lagamuččat gáibidit, mearridit ahte dakkár doavttiriskan galgá čađahuvvot. Jus lea dárbu sáhttá viežžat olbmo bákkuin ja dasto iskat.

Bildekåfjordhelsetun.webp