Ekonomalaš sosiálaveahkki lea gaskaboddosaš doarjja mii sáhttá addot sidjiide geain ii lea eará vejolašvuohta gokčat iežaset dárbbašlaš goluid. Sosiálaveahkki galgá gokčat birgemušgoluid nugo dárbbašlaš orrun- ja eallingoluid ja dakko bokte sihkkarastit govttolaš birgendási.
Ovdal go mii sáhttit addit sosiálaveahkki, de mii fertet čielggadit ahte leat go dus eará vejolašvuođat iešbirgejupmái, nugo bargu, oadjoattus, árbi, dahje ruhttá báŋkkus.
NÁ OZÁT SOSIÁLAVEAHKI:
Jus áiggot ohcat sosiálaveahki digitála hámis, de fertet logget sisa iežat "NAV SIIDUI" nav.no neahttabáikkis. Sisabeassamii fertet geavahit BáŋkkuID dahje eará sihkarvuođačovdosiid nugo Buypass dahje Comfides.
Jus it sáhtte geavahit digitála ohcanskovi, de sáhtát čállit báberohcama nugo ovdal. Báberohca gávnnat go dákko deaddilat. Báberohcamii fertet maid bidjat mielddusin báhpira mas attát doaimmahanválddi NAV`ii. Doaimmahanválddi skovi gávnnat go dákko deaddilat. FUOMÁŠ! Muitte vuolláičállit goappašat skoviid ovdal go sáddet daid dán čujuhussii: NAV Gáivuotna-Kåfjord, Øverveien 2, 9146 Olderdalen. Suohkanviesu váldouksaguoras gávnnat maid boastakássa masá sáhtát bidjat boastta mii galgá NAV`ii.
Dáppe gávnnat dieđuid digitála ohcama birra ekonomalaš sosiálaveahkkái: https://www.nav.no/sosialhjelp/
Jus leat gažaldagat ekonomalaš sosiálaveahki birra, de sáhtát váldit oktavuođa minguin dihtora bokte: www.nav.no/kontakt oss, dahje riŋgestit dán nummar:
55 55 33 33
Dearvuođat
NAV Gáivuotna-Kåfjord
