Rekrutterenveahkki:
Buorre oktavuohta bargoaddiiguin lea dárbbašlaš vai mii lihkostuvvat oažžut eanebuid bargui ja eret passiiva doarjjavuostáiváldin. Bargoaddit geain lea dárbu rekrutteret sáhttet guoros virggiid dieđihit nav.no bokte dahje njuolga midjiide. Mii sáhttit addit rávvagiid ja bagadusaid fitnodaga bargiid čuovvoleamis eastadan dihte jávkama buozanvuođa geažil ja eastadan dihte eretgáidama bargoeallimis. Mis leat máŋggalágan doaibmabijut ja doaimmat maid bokte sáhttit doalahit olbmuid barggus dahje rahpat sidjiide geainnu bargoeallimii.
Sosiála bálvalusat:
NAV-kantuvra addá dieđuid, rávvagiid ja bagadeami, ja sosiála veahki. Báikkálaš NAV-kantuvra mearrida ekonomalaš sosiálaveahki, ja máksá doarjaga. Gávnnat maiddái dieđuid ekonomalaš sosiálaveahki birra, go deaddilat dákko, ja eanet dieđuid ohcama ja ohcanproseassa birra.
Jus leat guhká eallán sosiálaveahki olis dahje jus lea várra ahte gárttat dan dillái, de sáhtát oažžut veahki kvalifiserenprográmma bokte. NAV fállá maiddái rávvagiid ekonomiija- ja vealgeáššiin.
Bargoguovddáš (Jobbsenteret):
NAV-kantuvrra rabasáiggis olahat buot bargo- ja čálgobálvalusaide ovtta kantuvrras. NAV-kantuvra lea lágiduvvon nu ahte don sáhtát olu áššiid ieš čoavdit. NAV Gáivuotna ávžžuha digitálalaččat ohcat doarjagiid nugo beaiveruđaid, váhnenruđaid, ovttaskas doarjagiid riegádahttima ja adopšuvnna oktavuođas, bargočielggadanruđa ja bargonávccahisvuođaruđa. Go ozat digitálalaččat, de manná ášši jođáneappot rievttes ossodahkii gieđahallamii. Maiddái dán sáhtát doaimmahit bargoguovddážis. Mis leat PC-dihtorat doppe, ja NAV neahttasiidduin gávnnat olu dieđuid ja vejolašvuođa
- Iežat registreret bargoohccin
- Gávdnat bargoalmmuhusaid
- Logget sisa iežat dieđuide (Min side)
- Iskat guđe muttus du ášši lea
- Sáddet ohcamiid elektrovnnalaččat
Jus dárbbašat gulahallat omd. NAV gulahallanguovddážiin, de lea bargoguovddážis (jobbsenteret) telefovdna dan várás. NAV statistihkat čájehit ahte odne leat mihá eanebut go ovdal geat atnet nav.no ja min gulahallanguovddáža fálaldagaid. Dasa lassin leat lassánan ohcamat mat sáddejuvvojit eahkediid ja vahkkoloahpaid. Olu jearaldagat NAV:ii leat earret eará máksimiid ja mearrádusaid birra. Diekkár gažaldagaid vástidit min bargoguoimmit NAV arbeid dahje NAV pensjon bokte.
Lea maid vejolaš nav.no bokte jearrat gažaldagaid ja oažžut vástádusaid. Dan sáhttá dahkat dorvvolaš ja sihkkaris vugiin go logge sisa seamma BankID bokte go neahttabáŋkui. Gánnáha maid váldit BankID mielde go fitná NAV Gáivuona kantuvrras.
