Dihtorkultuvrra gelbbolašvuohta ja ressursaguovddáš

Dihtorkultuvrra gelbbolašvuohta- ja ressursaguovddáš (KRED) guorahallá ja čalmmustuhttá diehtorkultuvrra kulturcealkámuššan ja astoáigedoaibman, lokte nuoraidbargiid, mearrideddjiid ja álbmoga gelbbolašvuođa guoskevaš áššiin,  ja addá maiddái ráđiid mot hábmet buohkaide heivvolaš doaimmaid ja fysalaš deaivvadanbáikkiid nuoraide, geain leat iešguđet berošteamit.

Kulturásahus - Kultuvrralaš skuvlalávka juolludii jagi 2023 álgomuttus doarjaga Gáivuona suohkanii KRED Nord nammasaš pilohtaprošektii. Troms Holding juolludii 1.200.000,- vai KRED Nord beassá joatkit buori bargguin regiovnnas. 

Seammalágán guovddáš lea Sarpsborgas. KRED Nord dorjot Gáivuona suohkan, Kulturtanken KRED Øst ja NKD.

Gelbbolašvuohtaguovddaš lea Dálusvákki Kulturguovddážis, ja lea áibbas gárvvis, de leat deaivvadanbáikkis 10 PC- saji, Maker Space, arkade ja digitála buvttadanlatnja. Leat nuvttá fáládat váldoulbmiljovkui, nuorat gaskal 13 ja 20 jagi.

Doarjja Troms Holding nammasaš fápmofitnodagas galgá movttiidahttit suohkaniid ovddidit dihtorkultuvrralaš bálvalusaid mánáid ja nuoraid várás. Doarjja galgá maiddai čalmmustahttit ja juohkit dieđuid dihtorspealuid birra ovttaárvosaš muhto earenomáš kulturvuohkin, ja juohkit modealla ja vuogi mállen nuoraidmielváikkuheapmái ja heiveheapmái suorggi siskkobealde.

Prošeavttas áigut maiddai guorahallat vejolašvuođa juohkit digitála gelbbolašvuođa aktevrraide geat eai leat geográfalaččat nu lahka, ja čalmmustahttit guovllusuohkaniid vejolašvuođaid leat seammá visttis ja doaibmat ovttas kulturbálvalusaid gaskka. 

KRED juohká dieđuid guovlluide ja doarju eaktodáhtolaš ja almmolaš doaimmaid davvin gelbbolašvuođain ja ressursaiguin.  Ulbmil lea nanusmahttit digitála lagasvuođa ja ásahit buoret oktavuođa ulbmiljoavkku beroštumiide, oččodit mánáid ja nuoraid, geain lea beroštupmi, muhto eai leat oassin organiserejun fálaldagain oassálastit. Fálaldat galgá leat molssaeaktun kommersiealla gaming- fálaldagaide.

KRED:s leat máŋga fálaldaga, maid birra sáhtát lohket eanet dás vuollelis.