Práksis

Skuvlla plánat sisttisdollet viiddis lohkanmearri. Mii luohtit dasa ahte váhnemat váldet oahppoovddasvástádusa duođalažžan, muhto mii vásihit ahte maiddái oanehis jávkamat mielddisbuktet ohppiide viehka stuorra liigebarggu. Skuvllaid váhnemat ja oahppit eai sáhte vuordit beassat geahččalemiid, tentámeniid dahje bákkolaš bargguid čađahit ieš-válljejuvvon permišuvnnaid maŋŋil.

Illustrasjon skolebarn leker og konkurrerer sammenLága mielde leat mánát ja nuorat Norggas ”geatnegasvuohta vuođđoskuvlaoahpahussii ja vuoigatvuohta almmolaš vuođđoskuvlaoahpahussii ”. Go “oahppi dahje su váhnemat ieža leat jávkama sivalažžan”, de oahppi (dahje váhnemat oahppi ovddas) cealká eret rievtti almmolaš vuođđoskuvlaoahpahussii seammá áigodagas go eretjávkan bistá. Váhnemat váldiba badjelasaska ovddasvástádusa eretjávkanáigodagas.

Oahppi oahppogeatnegasvuohta gusto liikká. Lea suohkana ovdasvástádus, juohke skuvlla rektora bokte, bearráigeahččát ahte dát geatnegasvuohta čuovvuluvvo. Oahppis ii leat lágalaš vuoigatvuohta fidnet permišuvnna skuvllas. Láhka cealká baicce ahte ovdalgo rektor addá permišuvnna oahpahusas, de galgá son árvvoštallat lea go bealuštahtti diktit oahppi leat eret skuvllas vrd. Oahppolága § 2-11. Bealuštahttivuođaárvvoštallamii gullet maid bealit nu mo lea go oahppis juo ollu eretjávkan, dárbbaša go oahppi kontinuitehta oahppodilis, oažžu go oahppi erenoamášoahpahusa maid váhnemat ieža leaba ohcan, lea go oahppis dehálaš geahččaleamit ja eksámenat dien áigodagas, man guhkká ohccojuvvon eretjávkan bistá, ja maiddái lea go erenoamáš unohas oahppái leat eret juste dalle (earret iežá skuvlaálgima oktavuođas) Rektor árvvoštallá dáid ovttasráđiin oktavuođaoahpaheddjiin ja ossodaga inspektevrrain. Skuvlafriddja sáhttá de mieđihuvvot eaŋkildiimmuid várás, eaŋkilbeaivvi várás dahje guhkit permišuvnnaide gitta logi (10) skuvlabeaivvi jahkái, jus skuvlla mielas dát lea fágalaččat bealuštahtti. Ohcamušat sáddejuvvojit dán neahttasiiddu bokte, dahje vižžojuvvo, devdojuvvo ja sáddejuvvo skuvlii.

Ná meannuduvvojit oahppipermišuvnnaid ohcamušaid Olmmáivákki ja Dálusvákki skuvllain:

  • Eaŋkilbeaivve ohcamuš addojuvvo ja meannuduvvo oktavuođaoahpaheaddji bokte.
  • Go ohcá permišuvnna mii bistá guhkit go beaivvi, de oktavuođaoahpaheaddji, inspektevra ja vejolaččat rektor ovttasráđiin meannudit ohcamuša.
  • Oahppit galget leat skuvllas lohkanbaji loahpalaš árvvoštallamiidda, nu mo tentámeniid ja eksámeniid. Dan lassin galget oahppit leat skuvllas našuvnnalaš geahččalemiid beivviid. Skuvla ii mieđit ohcamušaide mat mielddisbuktet oahppi jávkama dakkár dehálaš beivviid.
  • Ohcamušat mat mielddisbuktet eanet go okta skuvlabeaivvi jávkama, galget leat ollen skuvlii unnimus 14 beaivvi ovdalgo jávkan álgá.
  • Oahppolága mielde ii sáhte rektor mieđihit eanet go logi skuvlabeaivvi permišuvdnii ovtta skuvlajagis. Jus oahppi lea eret eanet go dáid 10 beaivvi, de ferteba fuolaheaddjit/váhnemat čálihit oahppi eret skuvllas. Dalle váldiba soai ollásit badjelasaska mánáidasaska oahpahusovddasvástádusa eretjávkanáigodagas.
  • Guhkit eretjávkanáigodagas bivdit fuolaheddjiid čuovvut skuvlaluohká plána. Oaččut rievttes oahppogirjjiid go válddát oktavuođa oahppi oktavuođaoahpaheddjiin.
  • Oza áiggil ovdalgo diŋgot luopmomátkkiid lieggariikii, vahkkoloahpamátkkiid, čuoiganmátkkiid dahje iežá. Ii skuvllas leat ovddasvástádus mátkki diŋgonmáhcaheami ektui, iige govčča liigegoluid mat bohciidit danin go fuolaheaddji lea diŋgon mátkki ovdalgo skuvla lea mieđihan eretjávkamii.
  • Oahppi eretjávkan duođaštuvvo ja vurkejuvvo 1.luohká skuvlaálgima rájes gitta vuođđoskuvllaáiggi lohppii. Eretjávkan buozalmasvuođa geažil dieđihuvvo skuvlii iđđedis dii. 07.30-08.00 seammá beaivvi go oahppi jávká:
    Olmmáivákki skuvla, tel. 777 19400
    Dálusvákki skuvla, tel.777 19270