Olmmáivággi (kvenagillii: Olmavankka, dárogillii: Manndalen) lea Gáivuona suohkanis Romssas. Gilis leat sullii 900 ássi.

Skuvlla sajádat addá máŋga vejolašvuođa. Dasttán lahka leat vuovddit, várit, johka ja rusttegat nugo goanstarássešillju, spábbagárdi, sihkkelbálggis, čuovgaláhttu, sabetvinta ja čierastanluohkká.  Guovllut geavahuvvojit viššalit oahpahusas ja duhkoraddamis. Dasttán skuvlla bálddas gávnnat Davviálbmogiid guovddáža, gos lea girjerádju, giellasiida/sámi giellaguovddáš ja dálááiggemusea, ja maiddái sámi mánáidgárdi Goržži Mánáidgárdi - Fossen barnehage, mainna skuvla ovttasbargá hui lahkalaga. 

Gáivuona suohkan lea sámi giellahálddašansuohkan, ja skuvla čuovvu sámi fágaplána.

Olmmáivákki skuvla lea dovddus iežas jahkásaš leairaskuvllain, masa buot oahppit, bargit, máŋga váhnema ja mánáidgárddi ovdaskuvlajoavku oassálastet. Leairaskuvlla fáttát leat várit, vuovddit ja mearra, ja molsašuvvet nu ahte iešguhtege fáddá lea iešguhtege jagi.

Skuvlajagi 2021-2022 leat 77 oahppi juhkkojuvvon mánáid- ja nuoraidcehkiide. Skuvlaastoáiggeortnet lea oassi skovlavisttis, ja lea bivnnuhis fálaldat.