BFA (BTI) GÁIVUOTNA
Ovttasdoaibmanmodealla - Doaibmabagadus - Sisaloggen Stafeahttalogga - Oahpahansiidu stafeahttalogga várás
Duostta oaidnit - Duostta dahkat juoidá
Mánáin ja nuorain galgá leat buorre bajásšaddandilli Gáivuona suohkanis. Muhtomin čuožžilit goitge hástalusat ja váttisvuođat mat dahket ahte buohkain ii leat buorre dilli. Maid don dagat jus jurddašat ahte muhtin mánná dahje nuorra orru dárbbašeame veahki, dahje jus ieš dárbbašat veahki?
Juovlamánu 2019 rájes lea Gáivuona suohkan bargan prošeavttain Buoret fágaidrasttideaddji áŋgiruššan. Prošeavtta leat ruhtadan Bufdir ja Dearvvašvuođadirektoráhta, doarjjaortnega bokte man ulbmil lea guoskevaš mánáid systemáhtalaš identifikašuvdna ja čuovvoleapmi.
Prošeavtta ulbmil lea nannet barggu min suohkana hearkkes mánáid ja nuoraid guovdu. Muhtin oktavuođain sáhttá dat mearkkašit DUOSTAT OAIDNIT ja DUOSTAT DAHKAT JUOIDÁ. Dat mearkkaša ahte mii fertet ovdánahttit ja nannet iežamet barggu, nu ahte suohkana bargit fuomášit dan jus muhtin gártá olggobeallái, ja álggahit doaimmaid čoavdit dahje geahpedit váttisvuođa. Mii bargat juo olu buriid sin guovdu geat gártet olggobeallái, muhto mii jáhkkit ahte sáhttit vel eanet bargat, leat vel buoret veahkkin ja veahkehit vel systemáhtalaččabut ja eanet jurddašuvvon vugiid bokte.
Danne leat mii dál ráhkadan málle ja doaibmabagadusa, ja ásahan ovttasdoaibmanreaiddu mat galget sihkkarastit buori čađaheami. Prošeakta galgá addit čielga rávvagiid mat eastadit ahte mánát ja nuorat “láhppojit” fálaldagaid gaskii, ovdamearkka dihte skuvlla ja dearvvašvuođaguovddáža gaskii. Mii háliidit ahte iešguđet fálaldagat galget buorebut gulahallat ja ovttasbargat, ja diehtit eanet guhtet guimmiideaset bargguid birra. Dasa lassin áigut mii nannet mánáid, nuoraid ja fuolaheddjiid mielváikkuheami, ja lágidit diliid dasa ahte dieđut bohtet gosa galget ja ahte buot lea čielggas.
Mii háliidit maid ahte galgá leat čielggas ahte modealla ja doaibmabagadus ii čoavdde buot min váttisvuođaid. Danne ovttasbargat mii iešguđet fálaldagaid bargiiguin sihkkarastin dihte buori mielváikkuheami. Dat fátmmasta kultuvrra, rutiinnaid, máhtuid ja bargovugiid. Ovttas sáhttit mii buorebut áimmahuššat iežamet mánáid ja nuoraid.
BFÁ GÁIVUOTNA / BTI Kåfjord bokte geahččalit mii buoridit iežamet fágaidrasttideaddji barggu mánáid ja nuoraid guovdu, čuovvovaš veahkkedoaimmaid/modeallaid bokte:
- OVTTASDOAIBMANMODEALLA: Ollislaš, fágaidrasttideaddji modealla, mii čájeha movt iešguđet jođihandásit, bálvalusat ja bargit barget dainna ahte árrat identifiseret ja riekta čuovvolit mánáid geat leat hearkkes diliin
- BFÁ DOAIBMABAGADUS: Doaibmabagadus mas oaidná čielga bargovuogi man buohkat galget čuovvut go barget mánáiguin ja nuoraiguin geat leat hearkkes dilis. Bagadus čujuha geainnu vuorjašumi rájes doaimmaid rádjái.
- STAFEATTALOGGA: Ovttasdoaibmanreaidu mii čuovvu doaibmabagadusa, mas proseassat/doaibmabijut fágaidrasttideaddji ovttasbarggus hearkkes dili mánáid ja nuoraid guovdu dokumenterejuvvojit ja sihkkarastá ahte bargu ovdána.
Deaddil liŋkkaid bajábealde dahje vuolábealde vai beasat eambbo lohkat.
Aktuelt
Romssas leat mánát ja nuorat geain ii leat buorre dilli ruovttus, ja mii dárbbašit eanet biebmoruovttuid dál!
Searvva digitála diehtojuohkinčoahkkimii biebmoruoktobálvalusain, gos beasat gullat eambbo doaimmaid ja árgabeaivvi birra. Dieđit iežat dákko
Stafettloggen - Oversikt for deg som foresatt når barnet ditt trenger hjelp
Kanskje mottar barnet ditt hjelp fra kommunen, eller kanskje kommer hen til å gjøre det en gang i fremtiden. Vi vet at det kan være utfordrende å ha o...Dieđut divodeami birra Biertavári vuojadanáldásis
Luovus smáhkuid divodeami geažil ferte vuojadanálddis leat gitta doaisttážii.
