SMS- várrehusat - It go oaččo várrehusaid Gáivuona suohkanis?
Čális oktavuođadieđuid Everbridge nammasaš vuogádahkii vai oažžut SMS várrehusaid Gáivuona suohkanis...
loga eanet
Buollindoaimmahaga eastadeaddji ossodagas galget bargit ja gelbbolašvuohta nu go gáibiduvvo vai sáhttet čađahit bearráigeahču ja eastadeaddji doaimmaid. Ossodaga váldomihttu lea eastadit buollimiid vai olbmot eai masse heakka ja diŋggat eai billahuva. Vuosttažettiin lea láhka mii geatnegahttá buollineastadeaddji doaimmaid. Ossodat čađaha maiddái eará doaimmaid, maid láhka ii geatnegahte, muhto mat leat dárbbašlaččat eastadit buollimiid.
Buollineastadeaddji barggus leat guokte váldooasi, bearráigeahčču ja diehtojuohkin. Min inšenevrrain ja bearráigehččiin leat olu iešguđetlágán barggut.
- Čađahit bearráigeahču ja iskat visttiid, main lea earenoamáš buollánvárra.
- Veahkehit huksenáššemeannudemiin vai šaddet rievttes eavttut ođđa visttiin.
- Juohkit dieđuid ja movttiidahttit suohkana ássiid mediain ja njuolggo oktavuođain.
- Áššemeannudeapmi mot atnit ja vurket buollinváralaš ávdnasiid ja bižanasaid.
- Ruhttet ja bearráigeahččat dolastanrusttegiid priváhta olbmuin.
Buollinhoavddas lea kontorbeaivi Gáivuona ráđđeviesus juohke duorastaga.
