Heive go du orohat vuorrasii? Ii soaitte hupmu earenoamáš heivehemiid dahkat, muhto geahččat dárbbaha go rievdadit vehá vai sáhtát doaibmat go eanet boarásnuvat.
Leat go orohagas uvssat, mat leat doarvái govdadat rullatorii ja juvlastullui?
Mot lea basadanlatnja, čáhká go dohko juvlastuollu?
Jus háliidat eanemus ieš birget go vuorasnuvat, ferte álki beassat du orohahkii.
Gos suohkanis lea du orohat? Lea go dus dárbu fárret lagabui biebmogávppi, dearvvašvuođabálvalusaid, kulturfálaldagaid dahje sosiála doaimmaid, mat leat mávssolaččat dutnje?
Juohkehaš ferte árvvoštallat, lea go orohat heivvolaš go vuorasnuvvá vai galgá go fárret orohahkii, mii heive buorebut. Don fertet árvvoštallat čuovvovaččaid:
- Mot ferten heivehit orohaga vai heive dárbbuide boahtte áiggis?
- Gos ja mot háliidan orrut go vuorasnuvan?
- Makkár bálvalusaid, fálaldagaid ja doaimmaid dárbbašan lahkosis?
- Makkár veahki dárbbašan jus dearvvašvuohta hedjona?
- Mot lea mu ekonomiija go olihan ealáhaga?
- Dárbbaša go mu orohat ođasmahttot/ divoduvvot? Mot sáhtán dán čoavdit praktihkalaččat ja ekonomalaččat?
Ná sáhtát heivehit iežat orohaga dassážii go vuorasnuvat
Jus dus lea agibeaivái doaibmahehttehus, sáhttet heiveheamit ja veahkkeneavvut dagahit ahte don birget iešheanalaččat ja beasat orrut guhkit ruovttus.
Jus dus lea duođalaš ja agibeaivái doaibmahehttehus, oaččut luoikkas dárbbašlaš ja heivehuvvon veahkkeneavvuid NAV Veahkkeneavvoguovddážis-
Geahča NAV:a neahttasiiddus makkár vejolašvuođat gávdnojit:
NAV - go dárbbaša heivehemiid orohahkii
Ekonomalaš doarjja divodeapmái/ heiveheapmái lea dávjá buoret čoavddus go luoikkahit veahkkeneavvuid. Soaitá nu ahte dárbbaša buot lanjaid ovtta gearddis dahje rievdadit boađáldaga orohahkii ja garášii.
Dieđut NAV:s go dárbbahat ekonomalaš doarjaga divodit orohaga, loga dáppe.
Tilskudds- og låneordninger for utbedring av bolig
Sáhtát ohcat loana suohkanis ja Viessobáŋkkus heivehit dahje ođasmahttit orohaga.
Gáivuona suohkanis lea maiddái ergo – ja fysioterapiijabálvalus, gos sáhtát oažžut veahki árvvoštallat dárbbuid ja makkár heivehemiid ja veahkkeneavvuid lea vejolaš oažžut.
Dáppe sáhtát lohkat eanet makkár bálvalusfálaldagat suohkanis dutnje, geas leat doaibmanhehttehusat
Buollinsihkkarvuohta senioraide
Go olmmoš boarásnuvvá, lea stuorit duššanvárra buollima geažil. Buorre buollindusten sáhttá gádjut heakkaid.
