Senioraid borrandábit
Borrat dearvvašlaš ja iešguđetlágán biepmu oktamis lihkademiin, lea buorre sihke dearvvašvuhtii ja loaktimii. Go vállje nie borrat eastada eallinbuozalmasvuođaid ja smávit dagut beaivválaččat leat mávssolaččat olbmo dearvvašvuhtii.
Loga eanet Dearvvašvuođadirektoráhta bibmorávvagiid birra dáppe
Vuoras olbmuin sáhttá borranlustu unnut ja olmmoš geahppu vaikko ii háliit. Dearvvašvuođadirektoráhtas leat borranráđit olbmuide iešguđet agis (Kosthåndboken). Mávssoleamos go borra unnán, lea válljet biepmu ja juhkosa, mat leat ávkkálaččat gorudii.
Du fásta doavttir sáhttá ohcat dutnje biebmolasáhusa alit reseapttain, jus leat beare geahpas dahje orut geahppume eará buozalmasvuođa geažil.
Fysalaš doaimmat eallilan olbmuide
Fysalaš doaimmat leat ávkkálaččat dearvvašvuhtii, sihke fysalaččat ja mentálalaččat. Juohke lihkadeamis lea ávki, ja lea buoret go ii mihkke. Lihkadeapmi mielddisbuktá buoret eallima ja olmmoš oađđá buorebut. Soaitá maiddái dagahit ahte olmmoš sáhttá birget ruovttus vaikko vel boarásnuvvá.
Gáivuona suohkanis leat máŋga hárjehallanjoavkku maid ergo – ja fysioterapiijabálvalus jođiha.
Bálvalusa gávnnat suohkana beaivefálaldagas, ja dá lea geaidnu dieđuide Suohkan láhčá sáhtu fálaldahkii dalle go lea vejolaš.
Go vuorasnuvvá, sáhttá várra gahččat lassánit. Gievrudan – ja balánsahárjehallan lea de dárbbašlaš, ja lea mávssolaš hárjehallat riekta. Dán deattuhit hárjehallamiin maid namuhit badjelis.
Jus háliidat, sáhtát hárjehallat ruovttus, ja dáppe gávnnat dieđut mot
