Gáivuona suohkan háliida leat ealáhusvuođut suohkan gos galgá leat geasuheaddji ja gelddolaš álggahit ja doaimmahit fitnodaga. Jus dus lea plána álggahit ja ovdánahttit iežat doaimmahaga, de sáhttá ja sávvá Gáivuona suohkan veahkehit neavvumin ja bagadallamin.
Suohkanis lea daid maŋemus jagiid leamaš guovddážis ovdánahttit mátkeealáhus ja kulturealáhusaid. Mii sáhttit namuhit Gorsašaldi, tuvraláhttut merkejuvvon, kulturmuittut galben ja álggahan Visit Lyngenfjord (suohkangaskasaš mátkeealáhusfitnodat). Mii sávvat ahte ealáhusat ja ealáhusálggaheaddjit ávkkástallet daid vejolašvuođaid. Earenoamážit mátkeealáhusain- ja kulturealáhusain doaivut mii buriid vejolašvuođaid boahtteáiggis.
Eanandoallu lea stuorra ja mávssolaš ealáhus Gáivuona suohkanis. Mii háliidit leat mielde ovdánahttit dan ealáhusa maid boahtteáiggis. Suohkanis lea maid stuora dáhttu geasuhit eará buvttadan- ja bálvalusdoaibma ealáhusaid, mainna mii áigut aktiivvalaččat bargat.
Gáivuona suohkanis lea ealáhusfoandda mii sáhttá doarjut ealáhusovdánahttima Gáivuonas. Lassin lea mis ovttasbargošiehtadus Innovasjon Norge ja Halti Næringshagein, maid álggaheaddjit sáhttet ávkkástallat. Innovasjon Norge ja Næringshagen leat maid molssaeaktun suohkana ráđđeaddinbálvalussii.
Gáivuonas álggahit fitnodaga - álggahandoarjja
Gáivuona suohkan doarju olbmuid geat áigot álggahit doaimmaid suohkanii. Álggahandoarjja juolluduvvo ođđaálggahemiide oanehis ohcan proseassa vuođul. Mii doarjut maid bagadallamin ja introduseret doaibmi fierpmádagaide. Nuorra álggaheddjiide lea earenoamáš buorit ortnegat.
Suohkana ealáhus- ja ovdánahttinfoanda
Suohkana ealáhusfoanddas sáhttet grundarat/álggaheaddjit ja álggahuvvon ealáhusat ohcat doarjaga ja loana. Muđui oaččut jahkásaččat ovdánahttinruđaid Tromssa fylkkasuohkanis mat galget geavahuvvot iešguđetlágán ovdánahttinprošeavttaide. Dain ortnegiin juolluduvvojit guovttelágan doarjaga ja loatna: álggahandoarjja, investerendoarjja ja investerenloatna.
- Loga dárkilit suohkana ealáhusfoandda prinsihppat ja njuolggadusat
- Ale sádde ohcama ovdal go leat sárdnon minguin.
- Buot ohcamat sáddejuvvojit dan portála bokte:regionalforvaltning.no (Fertet dieđihit iežat geavaheaddjin "Álggosiiddus" vai beasat sisačálihit iežat)
Ohcama čállá ohcci. Váldde suohkaniin oktavuođa jus dárbbahat veahki bidjat ohcama ohcanvuogádahkii.
Ealáhusareálat
Gáivuona suohkanis leat regulerejuvvon ealáhusareálat buot guovlluin suohkanis. Dat lea maid vejolaš ohcat ođđa ealáhusareálaid guovlluin mat eai leat regulerejuvvon. Kárttat ja eanet dieđuid gávnnat Orrunviesut ja opmodat
Ealáhuskonsuleantta
Ealáhuskonsuleantta galgá hábmet ja bidjat johtui suohkana ealáhuspolitihkka, veahkehit álggohuvvon fitnodagaid, ja ođđa álggaheddjiid ja maid čuovvulit politihkalaš mearrádusaid siskkobealde áššeguovllu. Ealáhusáššiid áššemeannudit gullet maid dan virgái. Suohkana ealáhusfoandda hálddašit, ja bagadallat, diehtojuohkin iešguđetlágan váikkuhangaskaoapmeortnegiid birra.
Oktavuođadieđut
Ealáhuskonsuleanta, Vivien Olsen, Doaibma- ja ovdánahttinossodat.
Telefovdna: 77 71 92 58 / 450 075 73
E-poasta: vivien.olsen@kafjord.kommune.no
Buot oktavuohta váldimin mat gusket ohcamiidda dahje áššit mat lea meannudeami vuolde bivdit ahte sáddebehtet kopiija e-boasttas post@kafjord.kommune.no vai relevántta dieđut ja čálašeapmi vurkejuvvojit arkiivii.
