Sierračála

 

Arkiivanr.: 2020/204 -103 Arkiiva: X26

Áššemeannudeaddji: Karin Karlsen Dáhton: 01.04.2020

 

Lávdegoddeášši

Lávdegoddi

Čoahkkinbeaivi

24/20

Ovdagoddi

06.04.2020

 

Gielddusmearrádus idjajit viessovovnnain, spiikkártealttáin, tealtáleairrain ja eará bissovaš ja sirddašahtti ássanovttadagain báikkiin gos olbmos ii leat álbmotregistrerejuvvon ássančujuhus

Čujuheapmi láhkamearrádusaide:

Gieldaláhka Njoammunsuodjalusláhka

Mielddus:

1 Gielddusmearrádus idjajit viessovovnnain, spiikkártealttáin, tealtáleairrain ja bissovaš ja sirddašahtti ássanovttadagain báikkiin gos olbmos ii leat álbmotregistrerejuvvon ássančujuhus.

Ovddagotti áššebeavdegirji 06.04.20 Gieđahallan:

Suohkandirektevrra mearriduvvui ovttajienalaččat.

Mearrádus:

Maŋŋilgo lea ollislaččat árvvoštallan dárbbu atnit dohkálaš doaibmannávccaid suohkana dearvvašvuohtabálvalusas, ja dárbbu atnit maid dárbbašlaš fuola njoammunsuodjalusas, de mearrida Gáivuona ovdagoddi ahte láhkaásahus gildosis orodeames astoáigeopmodagain maiddái galgá siskkildit gildosa idjadeames viessovovnnain, viessovovnnain main lea spiikkártealtá, tealtáleairrain ja eará bissovaš ja sirddašahtti ássanovttadagain báikkiin gos olbmos ii leat su álbmotregistrerejuvvon čujuhus.  

Gielddus guoská olles Gáivuona suohkanii, maiddái duoddarii, guollejávrriide, bisánansajiide jna.

Olbmot besset dahkat beaivemohkiid sihkkarastin dihte rusttegiid, juos eai sáhte bearráigeahččat ávdnasiid ja opmodagaid eará láhkai. Áibbas dárbbašlaš máŧasatnin dahje bearráigeahčču mii lea dárbbašlaš heađuštan dihte stuorra ávnnaslaš vahágiid, lea lobálaš.

Ovdagoddi atná ahte eavttut, mat leat Njoammunsuodjaluslágas § 1-5, leat devdojuvvon, ja ovdagoddi lea doaibmabiju mearridan § 7-1 mielde ja láhkavuođđudan dan § 4-1, vuosttas lađđasa, bustáva a) mielde, gč. bustáva d).

Gielddus ii gusto registrerejuvvon ealáhusdoaimmaide main leat idjadansajit Gáivuona suohkanis Kåfjord kommune Kaivuonon komuuni.

Mearrádus lea fámus gitta 13.04.20 lohppii. Ođđa árvvoštallan dahkkojuvvo, juos mearrádus divvojuvvo vel lasi 7 beaivvi várás.

Suohkandirektevrra árvalus:

Gielddusmearrádus idjajit viessovovnnain, spiikkártealttáin, tealtáleairrain ja eará bissovaš ja sirddašahtti ássanovttadagain báikkiin gos olbmos ii leat álbmotregistrerejuvvon ássančujuhus

Maŋŋilgo lea ollislaččat árvvoštallan dárbbu atnit dohkálaš doaibmannávccaid suohkana dearvvašvuohtabálvalusas, ja dárbbu atnit maid dárbbašlaš fuola njoammunsuodjalusas, de mearrida Gáivuona ovdagoddi ahte láhkaásahus gildosa hárrái orodeames astoáigeopmodagain maiddái galgá siskkildit gildosa idjadeames viessovovnnain, viessovovnnain main lea spiikkártealtá, tealtáleairrain ja eará bissovaš ja sirddašahtti ássanovttadagain báikkiin gos olbmos ii leat su álbmotregistrerejuvvon čujuhus.  

Gielddus guoská olles Gáivuona suohkanii, maiddái duoddarii, guollejávrriide, bisánansajiide jna.

Olbmot besset dahkat beaivemohkiid sihkkarastin dihte rusttegiid, juos eai sáhte bearráigeahččat ávdnasiid ja opmodagaid eará láhkai. Áibbas dárbbašlaš máŧasatnin dahje bearráigeahčču mii lea dárbbašlaš heađuštan dihte stuorra ávnnaslaš vahágiid, lea lobálaš.

Ovdagoddi atná ahte eavttut, mat leat Njoammunsuodjaluslágas § 1-5, leat devdojuvvon, ja ovdagoddi lea doaibmabiju mearridan § 7-1 mielde ja láhkavuođđudan dan § 4-1, vuosttas lađđasa, bustáva a) mielde, gč. bustáva d).

Gielddus ii gusto registrerejuvvon ealáhusdoaimmaide main leat idjadansajit Gáivuona suohkanis Kåfjord kommune Kaivuonon komuuni.

Mearrádus gusto gitta 13.04.20 lohppii. Ođđa árvvoštallan dahkkojuvvo, jus mearrádus divvojuvvo vel lasi 7 beaivvi várás.

Áššebajásčuvgehusat:

Buot mearrádusat mat gáržžidit lihkadanfriijavuođa njoammunsuodjaluslága § 4-1 d) mielde, sáhttet dušše leat fámus 7 beaivvi ovddos guvlui áiggis, dan dihte biddjojuvvo gielddus idjadeames viessovovnnain, spiikkártealttáin, tealtáleairrain ja eará bissovaš ja sirddašahtti ássanovttadagain báikkiin gos guoskevaš olbmos ii leat su álbmotregistrerejuvvon čujuhus.

Mearrádus lea nuppástuhttojuvvon nu ahte mearrádus lea fámus gitta 13.04.20 lohppii.

Árvvostallamat:

Ovdagoddi lea delegeren ovdagoddái válddi mearridit áššiin main lea láhkavuođđu njoammunsuodjaluslágas, main lea prinsihpalaš mearkkašupmi. Mearrádusat mat eai leat meroštallojuvvon hoahppomearrádussan njoammunsuodjaluslága mielde, ja main lea prinsihpalaš mearkkašupmi suohkanlága ipmárdusa mielde, eai sáhte delegerejuvvot sátnejođiheaddjái, ráđđeolbmái dahje suohkanváldodoaktárii. Buot mearrádusat mat gáržžidit lihkadanfriijavuođa njoammunsuodjaluslága § 4-1 d) mielde, sáhttet dušše leat fámus 7 beaivvi.

Čujuhit mildosiidda main lea gielddus idjadeames viessovovnnain, spiikkártealttáin, tealtáleairrain ja eará bissovaš ja sirddašahtti ássanovttadagain báikkiin gos guoskevaš olbmos ii leat su álbmotregistrerejuvvon čujuhus. Mearrádus lea nuppástuhttojuvvon nu ahte mearrádus lea fámus 13.04.20 lohppii.