Siviilasuodjalus mii lea oassin DSB:s iská dieđihanrusttegiid jahkásaččat juohke ođđajagimánu ja geassemánu. Signála čuodjá golmma geardde ja de lea minuhta gaska. Go gulat signála, de galggat ohcat dieđuid ovdamearkka dihte rádios, TV:s, aviissain, eiseválddiid neahttasiidduin, ja sosiála mediain.
 

Norggas leat sullii 1250 dieđihanrusttegat mat galget dieđihit olbmuide jus fáhkkestaga šaddá heahti. Dieđihanrusttegiid sáhttá geavahit sihke go lea ráfi ja soahti. Go lea ráfi, de sáhttet dieđihanrusttegat earret eará geavahuvvot jus leat lihkohisvuođat industriijabáikkiin gos golget mirkkut dahje leat eará várálašvuođat. Tore Ketil Stårvik gii lea siviilasuodjalusa jođiheaddji dadjá ahte soađi áigge sáhttet dieđihanrusttegat earret eará geavahuvvot jus šaddet girdifalleheamit.

Loga olles ášši dás https://www.dsb.no/nyhetsarkiv/2020/sivilforsvaret-tester-tyfonene-10.-juni/