Dál lea jáhkehahtti ahte koronavirusdávda fas leavvá sisriikkalaččat ja mii oaidnit ahte Tromssas lea njoammun man lea váttis kontrolleret. Dilli soaitá dagahit ahte šaddá stuorát njoammunriska maiddai min guvlui.
Doaktárkantuvra váldá beaivválaččat vuostá olu pasieanttaid gos máŋgasat leat covid-19 risikojoavkkuin. Jus virusnjoammun beassá leavvat doaktárkantuvrii, de ferte dan giddet logi beaivvi ja šaddá dušše vejolaš oažžut fáhkkatlaš veahki. Dan dihte fertejit bidjat johtui doaimmaid vai unnidit njoammunriska.
Mii bivdit veahkehit min čuovvovaččat:
- Maŋit doaktártiimmuid nu go omd. dearvvašvuođa iskosiid ja vuodjinkoartta duođaštusaid.
- Jus dus leat čuolbmaáššit maid sáhttá čoavdit telefovnna bokte, de sáhtát addit dieđu dan birra ja mii riŋget dutnje vai it dárbbaš fitnat doaktárkantuvrras.
- Jus dus leat vuoiŋŋahatbohcci dávdamearkkat, de fertet maŋidit doaktárdiimmu dássážii dearvvašmuvat.
- Jus dus leat vuoiŋŋahatbohcci dávdamearkkat ja dárbbašat iskosa doaktáris beroškeahttá lea go sáhka eará áššiid birra go vuoiŋŋahatbohcci, de fertet addit dieđu dan birra. Dalle oaččut iskosa vuoiŋŋahatbohcci klinihkas.
Lea hui dehálaš iežat dihte ahte it maŋit doaktárdiimmuid maid leat áibbas dárbbašlaččat, go lea vejolaš oažžut veahki. Jus lea njoammunriska, de leat mis njoammusuodjalus veahkkeneavvut. Ovddasguvlui soaittát maid deaivat sadjásaš doaktáriid earenomážiid doaktárkantuvrras go suohkana váldodoavttir gii dábálaččat lea doppe, ferte vuoruhit pandemiijabargguid.
Ustitlaš dearvvuođaiguin
Anita Monsen Pedersen
Suohkana váldodoavttir
