Gearggusvuođajođiheami čoahkkimis mii lei disdaga guovvamánu 16.b.2021 válljiimet rahpat buot astoáiggefálaldagaid rávis olbmuid váras, ii dušše valástallandoaimmaid.
Ikte ráhkaduvvui TV reportáša dán ášši birra muhto bajilčála ii doallán deaivása, ja dan fertejit korrigeret.
Mii eat bargga nu mot dábálaččat nugo bajilčállagis bođii ovdan. Mii rabaimet astoáiggefálaldagaid maiddai rávisolbmuid váras ja dasa lassin valástallandoaimmaid. Muhto korona njuolggadusat gustojit ain.
Covid-19 láhkaásahus ráddje man galle oasseváldiide lea vejolašvuohta searvat lágidemiide, nu go čilgejuvvui gaskavahku almmuhusas. Spiehkasteamit leat organiserejuvvon hárjehallamat ja koarahárjehallamat, nu mot boahtá ovdán láhkaásahusas.
Go stuolut girkuin ja rohkosviesuin leat definerejuvvon leat skruvvejuvvon láhttis gitta, de čuovvut mii maiddai dás láhkaásahusa ja dalle sáhttet eanet go 10 olbmo searvat, muhto fertejit doallát gaskka. Juohke girkuin ja rohkosviesuin fertejit ieža árvvoštallat galle olbmuide lea sadji go sis galgá leat mehter gaska. Eanemus oasseváldit leat 200, nu go lea čállojuvvon láhkaásahussii.
Boahtá čielgasit ovdan ahte juohke lágidemiin galgá lágideaddji boahtit ovdan, gii galgá fuolahit ahte njoammunsuodjalusa njuolggadusat čuvvojuvvot. Dát lea maid čilgejuvvon ovdal čállosis.
Gáivuonas gustojit dasa lassin dábálaš njoammunsuodjalusa njuolggadusat:
- Ale mana gosage jus leat buohcci.
- Doala unnimusat mehter gaskka earáide.
- Buorre giehtabuhtisvuohta.
Mii eat bargga nu mot dábálaččat, muhto čuovvut mielde regiovnna njoammundilálašvuođas ja seammás váldet vára Gáivuona álbmotdearvvasvuođas. Fuomášuhttit maid ahte jus njoammundilálašvuohta rievdá regiovnnas, de fertejit dahkat ođđa árvvoštallama ja bissehit doaibmafálaldagaid.
Anita Monsen Pedersen
Gáivuona suohkana váldodoavttir
