Siskkit Gáivuona skuvla lea mearridan ásahit ruovttoskuvlla odne ja ihttin várrugasa prinsihppan.

Mánnodaga njukčamánu 15.b. leat máŋga oahpaheaddjit skuvllas leamaš oktavuođas ovttain gii lea lagašoktavuohta nubbái geas lea duođaštuvvon koronavirus. 

Nappo leat oahpaheaddjit lagasoktavuođat lagasoktavuhtii. 

Dán eaŋkilolbmos ii leat gullevašvuohta Gáivutnii ja ii lean iešge buohcci. Son lei váldán iskosa, ja bohtosa vuordimis leat oahpaheaddjit nu gohčoduvvon vuordin erremis. Dan dihte lea siskkit Gáivuona skuvla mearridan lágidit ruovttoskuvlla dássážii go boahtá vástádus eaŋkilolbmo iskosis. Vurdojuvvo ahte vástádus boahtá maŋŋelgaskabeaivve, dahje maŋimusat ihttin bearjadaga. Mis ii leat Gáivuonas várohus ahte koronavirus lea njommon deike, eaige oahpaheddjiin leat dávdamearkkat. Go diehtit ahte Romssas lea duođaštuvvon muterejuvvon virus, de fertejit leat hui várrogasat dáppe min guovlluin. 

Suohkana olbmot eai dárbbaš bargat eará ládje go ovdal, dušše oahpaheaddjit geaidda dát guoská. Nappo, buohkat čuvvot gustojeaddjit njoammuneastadeami njuolggadusaid. Jus lea negatiiva iskkus, de besset oahpaheaddjit eret erremis ja ii leat dárbu bidjat johtui doaibmabijuid. Jus šaddá positiiva iskkus, de šaddet oahpaheaddjit lágasoktavuođat. Dalle váldet suohkana olbmot geat gurret njoammuma oktavuođa oahpaheddjiiguin. Oahpaheaddjit geasa dát guoská fertejit mannat erremii ja berrešit váldit iskosa. Mii boahtit maid váldit oktavuođa oahpaheddjiid lagasoktavuođaiguin, sii fertejit dalle mannat erremii ja vuordit vástádusa iskosis. 

                                                                                                                                   

Ustitlaš dearvvuođaiguin

Anita Monsen Pedersen                                                                                        

Gáivuona suohkana váldodoavttir