Gáivuona suohkan ii mearrit báikkálaš doaibmabijuid beassážiid čađa, muhto buktá ovdan báikkálaš rávvagiid mat gustojit oktan láhkanjuolggadusain ja ráđđehusa rávvagiin. Odne leat boahtán ođđa čavges sisriikkalaš njuolggadusat ja rávvagat, dát gustojit gaskavahku njukčamánu 24.b.2021 gaskaija rájes, gitta mánnodaga cuoŋománu 12.b.2021 rádjai. Dán čállosa vuolleleamos gávnnat áigeguovdilis dieđuid. 

 

Dás gávnnat ráđđehusa ollislaš njuolggadusaid ja rávvagiid

Gáivuona suohkanis ii leat vel duođaštuvvon njoammun, ja sávvamis bistá dát maiddai maŋŋel beassážiid. Vurdojuvvo ahte olbmot fitnet suohkanis allabassiid. Suohkan čujuha seammás ráđđehusa ođđa njuolggadusaide ja rávvagiidda. Rávvagiin boahtá ovdan ahte olbmot berrešit garvit mátkkošteami suohkanrájáid gaskka, muhto spiehkasteapmi lea studeanttaide ja ohppiide geat háliidit fitnat ruovttus allabasiid.

Gáivuona gussiide rávvejuvvo ahte lea negatiiva iskkus ovdal go fitnet dáppe.  Dát gusto erenomážiid gussiide báikkiin gos lea olu njoammun, omd. Romssii, Bodåddjui, ja Lulli Norgii. 

Jus ii leat vejolaš váldit iskosa doppe gos lea, de sáhttá váldit iskosa Gáivuonas dáid beivviid:

Lávvardaga ja sotnabeaivvi njukčamánu 27.b ja 28.b. (riŋge doavttirguovddáža bokte tlf. 116117)

Mánnodaga njukčamánu 29.b. 21 dii. 10-11 (tlf 777 19 320 / 415 76 543)

Disdaga njukčamánu 30.b. 21 dii. 10-11 (tlf. 777 19 320 / 415 76 543)

Gaskavahku njukčamánu 31.b. 21 dii. 10-11 (tlf. 777 19 320 / 415 76 543)

Lávvardaga cuoŋománu 3.b. 21  31.b. 21 dii. 10-11 (SMS bokte mas lea namma ja riegádandáhton. Ii leat vejolaš riŋget bassebeivviid, muhto SMS registrerejuvvo ovdal iskosa lávvardaga).

Mii diehtit ahte njoammunriska lassána go olbmot mátkkoštit. Jus boađát báikkiin gos lea olu njoammun, de fertet garvit sosiála oktavuođa earáiguin dássážii go dieđát ahte iskkus lea negatiiva.   

Muitte ahte jus leat streaŋgáset njuolggadusat doppe gos boađát go sisriikkalaččat, de galggat čuovvut daid báikkálaš njuolggadusaid vaikko leat Gáivuonas.  

Ođđa gustojeaddji njuolggadusat:

  • Sisriikkalaččat Ii leat lohpi guossuhit alkohola
  • Ii leat lohpi lágidit valástallan- ja astoáiggedoaimmaid siste
  • Ruovttokantuvra gos lea praktihkalaččat vejolaš

Ođđa gustojeaddji rávvagat:

  • Doallát guokte mehter gaskka, gusto maid go finat guossis
  • Eanemusat guokte guossi, dát gusto maiddai mánáide ja rávisolbmuide 
  • Nu unnán go vejolaš lagasoktavuođat
  • Jus ii leat vejolaš doallát guokte mehter gaskka, de ávžžuhuvvo geavahit njálbmesuoji omd. rámbuvrrain.

Go lea sáhka lágidemiid birra, de leat maid dás ođđa njuolggadusat, ávžžuhuvvo maŋidit dahje šluhttet daid.

Jus aŋkke vállje lágidit doaimmaid, nugo ipmilbálvalusaid de gustojit dát njuolggadusat:

  • Lágideamit siste mas eai leat bistevaš sajit                           Maŋiduvvojit/šluhttejuvvojit
  • Lágideamit siste mas leat bistevaš čohkkánsajit                   20 olbmo
  • Lágideamit siste mánáide <20 jagi                                        50 olbmo
  • Lágideamit olgun                                                                   50 olbmo

Olbmot eai berreše searvat lágidemiide ruovttosuohkana olggobealde.

                                                                                                                                                           

Ustitlaš dearvvuođaiguin

Anita Monsen Pedersen                                                                                                          
Gáivuona suohkana váldodoavttir