Ráđđehus lea moadde beaivvi dás ovdal geahpidan doaibmabijuid, ja dan birra leat ovdalis čállán. Guovddáš čuoggát geahpideamis ledje:  

  • Doallát mehter gaskka earáide
  • Vihtta olbmo sáhttet fitnat guossis
  • Lágideamit gos oasseváldiide lea vejolaš doallát mehter gaskka
    • 10 olbmo sáhttet searvat lágidemiide siste
    • 20 olbmo sáhttet searvat lágidemiide olgun
    • 100 olbmo sáhttet searvat lágidemiide jus lanjain leat gitta bistevaš saji
  • Lea lohpi guossohit alkohola gitta diibmu 22 rádjai eahkedis, muhto ferte guossohuvvot biebmu maid

Olles regiovnnas lea stabiila njoammundilálašvuohta iige leat duođaštuvvon njoammun Gáivuona suohkanis. Romssas ja Finnmárkkus leat dušše moattis njoammuduvvon maŋimus vahkuid.

Gáivuona suohkan lea odne mearridan rahpat visot organiserejuvvon valáštallan- ja astoáigedoaimmaid mánáide ja rávisolbmuide.

Ferte maŋidit dahje šluhttet lágidemiid jus čohkkejit olbmuid iešguđetge suohkaniin. Dása gustojit sierra njuolggadusat organiserejuvvon valáštallandoaimmaide mánide ja nuoraide vuollel 20 jagi.

Ráđđeviessu rahppojuvvo fas gussiide áigodagas 9- 14.

Dán rádjai lea praktiserejuvvon ruovttokantuvra suohkana bargiide, muhto dál galget buohkat fas leat barggus. Suohkana jođiheaddjit sáhttet mearridit ruovttukantuvrra ovttas bargiiguin jus orru leamen dárbu dasa.                                                                     

Ustitlaš dearvvuođaiguin

Anita Monsen Pedersen                                           
Gáivuona suohkana váldodoavttir