Gáivuona suohkanis besset dál buohkat badjel 18 jagi, ja maiddai sii geat leat riegádan jagi 2003 ja boarráseabbo boahkuhuvvot koronavirusa vuostá. SMS lea sáddejuvvon buohkaide geat leat álbmotregistrerejuvvon Gáivuona suohkanis. Jus it leat ožžon dieđu SMS bokte, de lea vejolaš dieđihit iežat dán liŋka bokte:
https://timebestilling.remin.no
Boahkuheami telefovdna: 904 02 086
Boahkuheami telefovdna: 904 02 086
Telefovnna rabasáiggit leat mánnodagaid, gaskavahkuid ja duorastagaid. Jus dárbbašat veahki dieđiheapmái dahje dárbbašat sáhtu, de lea beare riŋget. Jus háliidat cealkit eret diimmu, de lea doarvái sáddet SMS dan birra boahkuheami telefovdnii. Dalle registrerejuvvo.
Rabas diimmut boahkuheapmái leat gávdnamassii olles geasi go vurdojuvvo ahte bohtet doarvái dosat. Lassi diimmut almmuhuvvojit sullii 1-2 vahku ovddalgihtii go duođaštuvvo ahte ođđa dosat sáddejuvvojit,. Jus it gávnna rabas diimmuid odne, de almmuhuvvojit rabas diimmut dađistaga.
Vurdojuvvo ahte buohkat badjel 18 jagi leat ožžon vejolašvuođa boahkuhuvvot 1.dosain ovdal vahku 31. Rievdadusat sáhttet boahtit go dosaid logut sáhttet rievdat.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir