Mánáid ja nuoraid prošeaktajoavku lea jagi 2019 rájes bargan ođđa bargovugiin mii galgá doaibmat bures mánáide ja nuoraide Gáivuonas. Dál leat ollen nu guhkas bargguin ahte galgá váldojuvvot adnui.   

Prošeavttas lea ovddiduvvon bargobagadus man buohkat geat barget mánáiguin ja nuoraiguin galget čuovvut iežaset bargguin. Jurdda lea ahte buohkat geat barget mánáiguin ja nuoraiguin galget sáhttit čuovvut seammá bagadusa jus soapmásat gevvet hearkkes dillái omd. eallindili, bearašeallima, healssu, loaktima skuvllas jna. geažil.  Bagadus lea rabas buohkaide ja dás gávnnat dan.     https://kafjord.bedreinnsats.no/ deaddil “BTI veileder” nammii.

Jus mánát ja nuorat gevvet hearkkes dillái, de diehtit ahte soaitá leamen váttis váhnemiidda oažžut čielga gova dilálašvuođas. Rabas bagadusa čađa galgá šaddat álkibut váhnemiidda ipmirdit man guhkás leat ollen proseassas. Dáinna lágiin lea vejolaš nannet mielváikkuheami sihke váhnemiidda ja mánáide.

Bagadusa lassin lea suohkan háhkan nu gohčoduvvon stafeahttalogga mii lea elektrovnnalaš loggavuogádat masa olles proseassa galgá čállojuvvot, nu mot bagadusas boahtá ovdan. Váhnemat ja earát geasa gusto galget oažžut háhkanvejolašvuođa vuogádahkii vai besset čuovvut proseassa.  Dás galgá leat vejolaš oažžut čoahkkinbovdehusaid (maiddai maila bokte), geahččat makkár bálvalusat ja geat leat involverejuvvon máná áššái. Galgá maid leat vejolaš lohkat čoahkkinreferáhtaid dahje eará dokumeanttaid mat gustojit.  Vuogádat galgá sihkkarastit ahte ášši lea čalmmus ja ovdáneami sihke mánnái, váhnemiidda ja bargiide. Vuogádat galgá maid sihkkarastit ahte mánná ii gahča “guovtti stuolu gaskka” jus omd. dearvvašvuođastašuvdna galgá váldit váldit badjelasas proseassa maŋŋel go skuvla lea geargan áššiin. Vuogádat álo láhčá dili nu ahte lea áibbas čielggas geas lea ovddasvástádus proseassas.      

Kártema čađa diehtit ahte váhnemat dávjá masset visogova ássiin mat gustojit mánáide ja nuoraide nugo omd. eahpečielga ovddasvástádusortnegiin, eahpečielga kommunikašuvnnain jna. stafeahttalogga čađa galgá álo diehtit gii lea stafeahttadoalli, mii mearkkaša geas lea ovddasvástádus ášši ovdáneamis. Lea maid vejolaš lohkat man guhkás lea ollen proseassas ja makkár plánat leat ovddasguvlui, ja maiddai addit buori mielváikkuhanvejolašvuođa.

Prošeaktajoavku galgá čavčča ja dálvvi mielde oahpahit bargiid. Sii leat maid mátkkoštan skuvllaide ja mánáidgárddiide vai oahpásmuvvat bargiiguin, ja addán introdukšuvnna prošektii. Sii leat vásihan ahte bargit leat positiivvat prošektii ja sávvamis boahtá leat ávkin mánáide ja nuoraide hearkkes diliin. Jus dus leat jearaldagat de sáhtát váldit oktavuođa. Dás vuolábealde gávnnat oktavuođadieđuid:  

 

Ustitlaš dearvvuođaiguin

Gáivuona suohkana prošeaktajoavku mánáid ja nuoraid várás.

Mattis Bårnes bokte

 

Telefovdna: 77719229/41514691

E-poasta: mattis.barnes@kafjord.kommune.no