Dál lea vejolaš sidjiide geain lea hedjonan vuostálastinnákca dávddaid vuostá boahkuhuvvot 3. dosain, galgá leat unnimustá 4 vahku gaskkal 2. ja 3. dosa.   

Sakka hedjonan vuostálastinnákca dávddaid vuostá gusto dušše muhtumiidda ja Álbmotdearvvašvuođainstituhtta lea ná defineren:  

  • Joavku 1: Dán joavkkus ožžot buohkat fálaldaga boahkuhuvvot:
    • Orgánatransplanterejuvvon
    • (Benmarg?) transplantašuvdna maŋimus guokte jagi
    • Graft vs host nammasaš buozalmasvuohta mas gáibiduvvo immunosupressiivvalaš dálkkodeapmi
    • Duođalaš ja moderáhta primára immunváili
    • Aktiivvalaš dialysadikšu ja pasieanttat geain lea kronalaš monimušvihki 5. dásis    
    • Máŋggadáfot HIV- infekšuvdna mii ii leat dikšojuvvon
  • Joavku 2: Stuorát joavkkut mas gáibiduvvojit individuála árvvoštallamat
    • Pasieanttat geain lea borasdávda dahje easkka čađahuvvon immunosupressiivvalaš dálkkodeapmi
    • Aiddo álggahuvvon immunosupressiivvalaš dálkkodeapmi mii ferte árvvoštallojuvvot erenoamášdearvvasvuođabálvalusas
    • Pasieanttat geat spesialisttaid mielde lea sakka hedjonan vuostálastinnákca dávddaid vuostá

Buohcciviesu doaktárat váldet oktavuođa singuin geaidda dát gusto. 

  • Doaktárat fertejit individuálalaččat árvvoštallat makkár pasieanttat gullet dán jovkui,erenomážiid go lea sáhka 2. joavkku birra. Pasieanttat ožžot dieđu jus gullet 2. jovkui ja sáhttet dalle dieđihit iežaset 3. dosa boahkuheapmái.

Dokumenterejuvvo maiddai fástadoaktára journálii jus pasieanttat Gáivuonas gullet 1. Jovkui. Jus pasieanttat eai oaččo dieđu buohcciviesu doaktáris moatti vahku siskkobealde, de fertejit váldit oktavuođa fástadoaktáriin ja dieđihuvvot 3. dosa boahkuheapmái.  

Manne dárbbašit 3. dosa?

Orru leamen nu ahte pasieanttain geain lea hedjonan vuostálastinnákca dávddaid vuostá ii leat nu buorre immuvdnaresponsa boahkuheami maŋŋel, nu ahte dosain ii leat leamaš nu buorre effeakta. Seammás lea dán joavkkus erenomáš alla riska buohccát covid-19 virusa geažil. Dan dihte ávžžuhuvvo ahte dát joavku galggašii boahkuhuvvot 3. dosain vai nannet vuostálastinnávcca dávddaid vuostá.

Ustitlaš dearvvuođaiguin

Anita Monsen Pedersen    

Gáivuona suohkana váldodoavttir