Dál lea vuohon duođaštuvvon koronavirusnjoammun Gáivuonas, dás lea eahpesihkkaris njoammungáldu. Suohkan lea álggahan njoammunguorrama. Nu go dilli lea dál, de ii leat dárbu álggahit ođđa doaimmaid. Lea dehálaš geahččalit earuhit mii lea dábálaš čakčanuorvu ja mii sáhttá leat korona. Jus dus lea veahá nuorvu muhto leat muđui buori foarpmas, de ávžžuhuvvo čuovvut dábálaš njoammuneastadeami njuolggadusaid- ale mana gosage jus leat koronavirusa dávdamearkkat, doalá buori gaskka earáide, jus leat lagasoktavuohtan soapmásii geasa lea duođaštuvvon njoammun, de ávžžohuvvo ahte don maid válddát iskosa. Jus dus lea heajubut foarpma ja omd. feber, de lea stuorát jáhkehahttivuohta ahte dus lea korona. Dalle fertet maid čuovvut njoammuneastadeami njuolggadusaid ja váldit iskosa, dus ii berre leat lagasoktavuohta earáiguin ovdal go leat ožžon dieđu ahte iskkus lea negatiiva. Vaikko servodat ain ráhppojuvvo veahážiid mielde, de lea nu ahte duođaštuvvon njoammumat galget gieđahallojuvvot nu go ovdal vai ii leat riska ahte earát njoammuduvvojit. Suohkanis leat dál nu gohčoduvvon jođánisiskosat mas oažžu vástádusa gaskkal kvártta ja diibmobeali maŋŋel go lea iskojuvvon.Jođánisiskosat addet oalle buori vástádusa, nu ahte jus leat dávdamearkkat ja válddát iskosa de oaččut vástádusa oalle jođánit lea go korona vai ii.

 

Ustitlaš dearvvuođaiguin

Anita Monsen Pedersen​​​​​​​​

Gáivuona suohkana váldodoavttir